కుర్ర హీరోయిన్ తో పుష్ప స్టెప్పులు ఫైనల్

పాన్ ఇండియా లెవెల్ లో ఇప్పుడు పుష్ప 2 హాట్ టాపిక్ అవుతోంది. షూటింగ్ ఇంకా పూర్తి కాకుండానే చిత్ర యూనిట్ సినిమాను ఒక రోజు ముందుకు జరిపింది. డిసెంబర్ 6 న విడుదల కావాల్సిన సినిమా 5నే విడుదల చేస్తామని మేకర్స్ ప్రకటించారు. కాని సినిమాలో ఐటెం సాంగ్ ఇంకా షూట్ కాలేదు. కనీసం హీరోయిన్ ఎవరో కూడా ఫైనల్ కాలేదు. దాదాపు పార్ట్ 2 కోసం మూడేళ్ళ నుంచి పుష్ప టీం కష్టపడుతోంది. సినిమాకు ప్రమోషన్స్ కూడా గ్రాండ్ గా ప్లాన్ చేసారు మేకర్స్. తిరుపతిలో ప్రీ రిలీజ్ ఈవెంట్ ను ప్లాన్ చేసినట్టు టాక్.

పుష్ప 2 ప్రీ రిలీజ్ ఈవెంట్స్ ని ఆస్ట్రేలియా అమెరికా, ఇండియాలోని ముంబైలో కూడా ప్లాన్ చేసినట్టు వార్తలు వచ్చాయి. సినిమా కచ్చితంగా హిట్ అనే కాన్ఫిడెన్స్ లో ఫ్యాన్స్ ఉన్నారు. కాని మెగా ఫ్యాన్స్, ప్రభాస్ ఫ్యాన్స్ ట్రోల్ చేసే ఛాన్స్ కనపడుతోంది. ట్రోలింగ్ ఫేస్ చేయడానికి కూడా మేకర్స్ ఇప్పుడు సోషల్ మీడియాలో ఓ సైన్యమే తయారు చేసినట్టు టాక్. బన్నీ ఫ్యాన్స్ కూడా ఇప్పుడు ఈ ట్రోలింగ్ మీద సీరియస్ ఫోకస్ చేసారు. మెగా ఫ్యాన్స్… దేవరను టార్గెట్ చేసినా సినిమాలో విషయం ఉంది కాబట్టి పక్కాగా హిట్ అయింది.

పుష్ప 2 లో కూడా విషయం ఉంది కాబట్టి భయపడాల్సిన అవసరం లేదని టీం భావిస్తోంది. ఇప్పటికే సినిమాలో ట్విస్ట్ లు భారీగా ఉంటాయని ప్రతీ సీన్ క్లైమాక్స్ రేంజ్ లో ఉంటుందని న్యూస్ బయటకు వస్తోంది. దీనితో నెల రోజులు ఎప్పుడు గడుస్తాయా అని ఫ్యాన్స్ కళ్ళల్లో ఒత్తులు వేసుకుని ఎదురు చూస్తున్నారు. ఇదిలా ఉంచితే ఈ సినిమాలో ఐటెం గర్ల్ ఎవరూ అనేది ఇంకా ఫైనల్ కాలేదు. మూడు నాలుగు పేర్లు బయటకు వచ్చినా హీరోయిన్ ని మాత్రం ఫైనల్ చేయలేదు. చివరకు మీనాక్షి శేషాద్రి పేరు కూడా వచ్చింది.

ఇటీవల శ్రద్దా కపూర్ పేరు బాగా వినపడింది. సుకుమార్ సినిమాలు అంటే ఐటెం సాంగ్ కు కాస్త ఎక్కువ ప్రాధాన్యత ఉంటుంది. పుష్ప పార్ట్ 1 లో ఊ అంటావా మావా సాంగ్ ఓ రేంజ్ లో ఊపింది. ఇప్పుడు పార్ట్ 2 కోసం కూడా చంద్రబోస్ మంచి పాట రాసారు. ఇక ఈ సాంగ్ కోసం శ్రీలీలను ఫైనల్ చేసినట్టు తెలుస్తోంది. శ్రీలీల 80 లక్షలకు ఐటెం సాంగ్ చేయడానికి ఓకే చేసిందని… కాని శ్రద్దా కపూర్ మాత్రం ఏకంగా 3 కోట్లు అడిగిందని అందుకే మేకర్స్ వద్దు అనుకున్నారని వార్తలు వచ్చాయి. త్వరలోనే షూట్ కూడా స్టార్ట్ చేస్తున్నారట.