సుక్కు ప్లానింగ్ అదుర్స్ మరి, పుష్ప క్లైమాక్స్ లో బాలీవుడ్ స్టార్

టాలీవుడ్ లోనే కాదు టోటల్ ఇండియన్ సినిమాలో పుష్ప 2 సినిమా క్రేజ్ ఓ రేంజ్ లో ఉంది. గతంలో ఎన్నో సినిమాలు రిలీజ్ అయ్యాయి గాని ఈ సినిమాకు క్రియేట్ అవుతున్న బజ్ మాత్రం పీక్స్ లో ఉంది. పుష్ప పార్ట్ 1 అసలు బాలేదు అని ప్రచారం చేసిన వాళ్ళు కూడా ఇప్పుడు ఈ సినిమా కోసం ఎదురు చూస్తున్నామని సోషల్ మీడియాలో కామెంట్స్ కూడా చేస్తున్నారు. సినిమా ఆలస్యం అవుతుందని భావించినా అసలు అయ్యే ఛాన్స్ లేదని క్లారిటీ ఇచ్చారు. చెప్పిన దానికంటే ఒక రోజు ముందుగానే సినిమాను రిలీజ్ చేస్తున్నారు.

ఇక గ్రాండ్ గా వరల్డ్ వైడ్ గా ఈ సినిమాను రిలీజ్ చేస్తున్న మేకర్స్… సినిమా ప్రమోషన్స్ విషయంలో కూడా ఓ రేంజ్ లో ప్లానింగ్ తో ఉన్నారని… ప్రీ బుకింగ్ మార్కెట్ కోసం చాలా గట్టిగా ఫోకస్ చేసారని అంటున్నారు. ఇక ఈ సినిమా సక్సెస్ అయితే ఆ కష్టంలో డైరెక్టర్ సుకుమార్ పాత్ర ఎక్కువగా ఉంటుంది. వేరే సినిమాలను సైడ్ చేసి ఈ సినిమా కోసం దాదాపు ఆరేళ్ళ నుంచి వర్క్ చేస్తున్నాడు సుకుమార్. ఇక సుకుమార్ పై ఉన్న నమ్మకంతో బన్నీ కూడా ఈ సినిమా కోసం ఎక్కువ టైం కేటాయించాడు అనే చెప్పాలి.

ఈ సినిమాలో 10 నిమిషాలకు ఒక ట్విస్ట్ ఉంటుందని… అనసూయ చెప్పడంతో ఇంకా క్రేజ్ పెరుగుతోంది. ప్రతీ సీన్ క్లైమాక్స్ రేంజ్ లో ఉంటుందని ఆమె చెప్పింది. ఇక ఈ సినిమాలో ఎవరూ ఊహించని రేంజ్ లో ట్విస్ట్ ను ప్లాన్ చేసినట్టు టాక్. ఓ యాక్షన్ సీన్ కోసం బాలీవుడ్ స్టార్ ను తీసుకున్నారని… ఆ యాక్షన్ పార్ట్ లో అతని రోల్ ఉంటుందని అంటున్నారు. ప్రీ క్లైమాక్స్ తో పాటుగా క్లైమాక్స్ లో కూడా ఆ రోల్ ఉంటుందని అంటున్నారు. ఆ పాత్ర నెగటివ్ గా ఉంటుందని… సుకుమార్ అందుకోసం గట్టి ప్లాన్ తోనే దిగాడని టాక్.

ఈ సినిమాలో ముఖ్యంగా అల్లు అర్జున్, ఫాహాద్ ఫాజిల్ మధ్య యాక్షన్ సీన్స్ ఏ రేంజ్ లో ఉంటాయి, ఇద్దరి యాక్షన్ సీన్స్ ఎలా ప్లాన్ చేసి ఉండవచ్చు అని ఎదురు చూస్తున్నారు ఫ్యాన్స్. అలాగే ఐటెం సాంగ్ కోసం ఎవరిని ఫైనల్ చేసి ఉండవచ్చు అనే దానిపై ఇంకా క్లారిటీ రావడం లేదు. పార్ట్ 1 లో ఐటెం సాంగ్ కు మించి ఇక్కడ ఇండియన్ సినిమాను షేక్ చేసే ఐటెం సాంగ్ ఉండవచ్చని అంచనా వేస్తున్నారు.