RC 16 బ్యాక్ డ్రాప్ ఇదే, మళ్ళీ అదే కాన్సెప్ట్

గ్లోబల్ స్టార్ రామ్ చరణ్ మూవీ అంటే పాన్ ఇండియా లెవెల్ లో క్రేజ్ పెరుగుతోంది. ఆర్ఆర్ఆర్ సినిమాతో రామ్ చరణ్ మంచి హిట్ కొట్టినా ఆ తర్వాత కాస్త స్లో అయ్యాడు. ఆచార్య సినిమా రామ్ చరణ్ కు గట్టి షాక్ ఇచ్చిన సంగతి తెలిసిందే. ఆ సినిమాతో రాజమౌళి సెంటిమెంట్ కంప్లీట్ అయిందని గేమ్ చేంజర్ సినిమా సూపర్ హిట్ అవుతుందని ఫ్యాన్స్ చాలా ధీమాగా ఉన్నారు. రామ్ చరణ్ కూడా ఇప్పుడు శంకర్ సినిమాపై చాలా హోప్స్ పెట్టుకున్నాడు. గతంలో రామ్ చరణ్ చేయని కాన్సెప్ట్ ఇది.

అందుకే ఫ్యాన్స్ లో సినిమాపై చాలా హోప్స్ ఉన్నాయి. అయితే శంకర్ మాత్రం సినిమా విషయంలో కాస్త భయపడుతున్నారని అందుకే లేట్ అవుతుందని వార్తలు వస్తున్నాయి. సినిమాలో కొన్ని సీన్స్ ను రీ షూట్ చేస్తున్నారని, ఎలివేషన్ ఉండేలా ప్లాన్ చేస్తున్నారని టాక్. సినిమా షూటింగ్ ఇంకా పూర్తి కాకపోవడం పట్ల రామ్ చరణ్ ఫ్యాన్స్ కాస్త భయపడుతున్నా సినిమా మాత్రం పీక్స్ లో ఉంటుందని భయం వద్దని మేకర్స్ ధీమా ఇస్తున్నారు. ఈ సినిమా కోసం చిరంజీవి తన మూవీని కూడా వాయిదా వేసుకున్నారు.

ఈ సినిమాను ఎన్టీఆర్, అల్లు అర్జున్ ఫ్యాన్స్ ట్రోల్ చేసే ఛాన్స్ ఉన్న నేపధ్యంలో మేకర్స్ ప్రమోషన్ విషయంలో చాలా సీరియస్ గా ఉన్నారు. ఏ మాత్రం ఛాన్స్ ఇవ్వకుండా ఓ రేంజ్ లో ప్రమోషన్ స్కెచ్ గీసారు. ఈ సినిమా హిట్ ఇప్పుడు రామ్ చరణ్ కు చాలా అవసరం. అందుకే కాస్త రామ్ చరణ్ కూడా టెన్షన్ లో ఉన్నాడు. ఈ ప్రాజెక్ట్ తర్వాత బుచ్చిబాబు సినిమాలో రామ్ చరణ్ నటిస్తున్నాడు. రామ్‌ చరణ్‌ హీరోగా ‘ఉప్పెన్’ ఫేమ్ బుచ్చిబాబు దర్శకత్వంలో తెరకెక్కనున్న సినిమా అప్డేట్ దీపావళి సందర్భంగా మేకర్స్ ఇచ్చారు.

RC 16 వర్కింగ్ టైటిల్తో ఈ సినిమా రానుంది. బాలీవుడ్ యంగ్ హీరోయిన్ జాన్వీ కపూర్‌ ఈ సినిమాలో రామ్ చరణ్ సరసన నటిస్తుంది. మైత్రీ మూవీ మేకర్స్‌ బ్యానర్పై రానున్న ఈ సినిమా… బ్యాక్ డ్రాప్ ఏంటీ అనే దానిపై ఇప్పుడు పెద్ద చర్చే జరుగుతోంది. ఈ సినిమాలో రామ్ చరణ్… జాలరిగా నటిస్తున్నారు. ఉప్పెన తరహా కాన్సెప్ట్ ఇది. శ్రీకాకుళం జిల్లాలో సముద్ర తీర గ్రామంలో… చేపల వేట కోసం రెండు గ్రామాల మధ్య జరిగే పోరాటం ఆధారంగా ఈ సినిమా రానుంది. లైట్ గా పొలిటికల్ టచ్ కూడా ఇస్తారట.