ఎస్ఎస్ఎంబీ29 స్టోరీ లైన్ ఇదే, క్లారిటీ ఇచ్చేసిన జక్కన్న

టాలీవుడ్ లో దర్శక ధీరుడు రాజమౌళి ఒక్కో సినిమాతో తన రేంజ్ పెంచుకుంటూ పోతున్నాడు. కథ ఎలా ఉన్నా సరే రాజమౌళి ఆలోచన సినిమా రేంజ్ పెంచేస్తోంది. చిన్న క్లూ వచ్చినా సరే జనాల్లో పిచ్చి పీక్స్ లో ఉంటుంది. మహేష్ బాబుతో ఇప్పుడు సినిమా ప్లాన్ చేసాడు. ఈ సినిమా కోసం కెన్యాలో వైల్డ్ లైఫ్ సఫారీలో తిరుగుతూ ఫోటోలు సోషల్ మీడియాలో పోస్ట్ చేసాడు. ఇంత క్లూ ఇచ్చిన తర్వాత జనాలు ఊరుకుంటారా…? సినిమా గురించి ఏ లుక్ బయటకు రాకపోయినా పిచ్చి ఎక్కిపోతున్నారు ఫ్యాన్స్.

అసలు మా హీరోని ఏం చేస్తున్నావ్ జక్కన్న అంటూ మహేష్ ఫ్యాన్స్ సోషల్ మీడియాలో ఈ ఫోటోలు షేర్ చేస్తూ ఊగిపోతున్నారు. మహేష్ బాబుకు గత 5 ఏళ్ళ నుంచి హిట్ లేదు అనే చెప్పాలి. అందుకే ఈ ప్రాజెక్ట్ కోసం మహేష్ చాలా కష్టపడుతున్నాడు. జుట్టు, గడ్డం పెంచి కనిపించాడు ఈ మధ్య కాలంలో. ఇక కెన్యాలో ఈ సినిమా షూట్ అనగానే టాక్ ఆఫ్ ది టౌన్ అయిపోయింది ఈ మూవీ. కథ ఎలా ఉంటుంది, ముందు అమెజాన్ అడవుల్లో అన్నారు కదా, మరి కెన్యాలో కథ ఏంటీ, ఇలా ఎన్నో ప్రశ్నలు ఇప్పుడు సోషల్ మీడియాలో వైరల్ అవుతున్నాయి.

సాధారణంగా జక్కన్న సినిమా అంటే… 3 గంటల పాటు కళ్ళు ఆర్పకుండా చూసేలా ప్లాన్ చేస్తూ ఉంటాడు. భారీ ప్రాజెక్ట్ లు అయితే పిచ్చి లేపినట్టే. ఇప్పుడు ఈ కథ కూడా అలాగే ప్లాన్ చేసాడని టాక్. అసలు కథ ఎలా ఉంటుందో సోషల్ మీడియాలో వైరల్ అవుతున్న కొన్ని పోస్ట్ ల బట్టి చూస్తే… ఒక సింహం ఫొటో ముందు నిలబడి రాజమౌళి దిగిన పిక్ యమా వైరల్ అవుతోంది. ఈ పిక్ దిగడం వెనుక ఓ ఇంట్రెస్టింగ్ స్టోరీ ఉందని టాక్. ఆయన పిక్ దిగిన లయన్ పేరు బాబ్ జూనియర్… సెరెంగెటీ నేషనల్ పార్క్ లో ఇది బాగా ఫేమస్.

సింహాలకు కవర్ ఫోటోగా ఈ సింహాన్ని చూపిస్తూ ఉంటారు. అలాంటి సింహాన్ని కొన్ని సింహాలు చంపేయడం సెన్సేషన్ అయింది. దీని తమ్ముడిగా చెప్పే ట్రైగ్వె అనే మరో లయన్ ను కూడా ఆ సింహాలు చంపేసాయి. ఇప్పుడు బాబ్ జూనియర్ ఫొటో ముందు నిలబడి జక్కన్న పిక్ దిగడంతో… అది చనిపోయిన తర్వాత ఆ సింహం ఆత్మ మహేష్ ను ఆవహించింది అని… అక్కడి నుంచే కథ మొదలవుతుందని టాక్. ఇలాంటి కొత్త కాన్సెప్ట్ ను తీసుకున్న జక్కన్న… ఎలా చూపిస్తాడు అనేదే ఇప్పుడు ఫ్యాన్స్ లో భయం.