Vaishnav Tej: మాస్‌ లుక్‌లో వైష్ణవ్‌ తేజ్‌.. అదిరిపోయిన ఆదికేశవ లుక్‌..

శ్రీలీల హీరోయిన్‌గా శ్రీకాంత్‌ ఎన్‌ రెడ్డి దర్శకత్వంలో వైష్ణవ్‌ ఓ సినిమా చేస్తున్నాడు. ఈ సినిమా టైటిల్‌ను కన్‌ఫాం చేస్తూ ఇవాళ ఫస్ట్‌ గ్లింప్స్‌ రిలీజ్‌ చేసింది మూవీ టీం. వైష్ణవ్‌ నాలుగో సినిమాకు ఆదికేశవ అనే టైటిల్‌ ఫిక్స్‌ చేసింది. 47 సెకన్ల డ్యురేషన్‌తో ఫస్ట్‌ గ్లింప్స్‌ను రిలీజ్‌ చేసింది. సితారా ఎంటర్టైన్‌మెంట్ బ్యానర్‌లో వస్తున్న ఈ సినిమాలో కాస్టింగ్‌, టెక్నీషియన్స్‌ విషయంలో చాలా జాగ్రత్తలు తీసుకున్నారు మేకర్స్‌. సీనియర్‌ యాక్టర్స్‌ను తీసుకున్నారు.

మరో బ్యూటీ అపర్ణా దాస్ ‘వజ్ర కాళేశ్వరి దేవి’ అనే ఇంట్రెస్టింగ్ పాత్రలో కనిపించబోతోంది. బ్లాక్‌బస్టర్‌ హిట్‌ రికార్డ్‌ ఉన్న జీవీ నారాయణన్ ఈ సినిమాకు మ్యూజిక్‌ డైరెక్టర్‌గా వర్క్‌ చేస్తున్నాడు. రుద్ర కాళేశ్వర రెడ్డి అనే పవర్‌ఫుల్‌ రోల్‌లో వైష్ణవ్‌ నటించబోతున్నాడు. తన గ్రామంలో మైనింగ్‌ మాఫియా నుంచి శివాలయాన్ని కాపాడుకునే హీరో రోల్‌లో కనిపించబోతున్నాడు. మొదటి మూడు సినిమాల్లో లవర్‌ బాయ్‌లో కనిపించిన వైష్ణవ్‌.. ఈ సినిమాలో మాత్రం చాలా మాస్‌ లుక్‌లో కనిపించాడు. బాడీ పెంచి బీస్ట్‌ మోడ్‌లోకి మారిపోయాడు.

గ్లింప్స్‌ను బట్టి చూస్తే సినిమాలో ఫైట్‌ సీన్స్‌ గట్టిగానే ఉన్నట్టు తెలుస్తోంది. ఈ మాస్‌ లుక్‌ వైష్ణవ్‌కు సూపర్‌గా సెట్‌ అయ్యిందంటున్నారు ఫ్యాన్స్‌. జీవీ నారాయణన్‌ అద్భుతమైన బీజీఎం అందించాడు. రిలీజ్‌ చేసింది 47 సెకన్ల వీడియోనే అయినా.. సినిమాటోగ్రఫీ చాలా బాగా అనిపించింది. నాగ వంశీ ప్రొడ్యూస్‌ చేస్తున్న ఈ సినిమాను ఈ జులైలో ప్రపంచవ్యాప్తంగా విడుదల చేయనున్నటు మూవీ మేకర్స్‌ ప్రకటించారు