కన్నడకు ఎన్టీఆరే దిక్కు, పుష్పను ఆదుకుంటాడా… మైత్రీ ప్లాన్ ఏంటీ…?

దేవర సినిమా విషయంలో ఎన్టీఆర్ ఫాలో అయిన లెక్క చిన్నది కాదు. ఎవరి సపోర్ట్ తెలుగులో లేకుండా కేవలం తాను ఏంటీ అనేది రోజుల గ్యాప్ లో ప్రూవ్ చేసుకున్నాడు. స్టార్లను ఏ ఈవెంట్ కు పిలవలేదు. అది ముంబై అయినా హైదరాబాద్ అయినా సరే. ప్రీ రిలీజ్ ఈవెంట్ ను క్యాన్సిల్ చేయడం పక్కన పెడితే… ఇంటర్వ్యూలకు గాని సినిమా ప్రమోషన్స్ కు గాని అసలు ఎవరిని ఇన్వైట్ చేయలేదు ఎన్టీఆర్. ముఖ్యంగా కన్నడ విషయంలో ఎన్టీఆర్ చాలా పక్కాగా ముందుకు వెళ్లి సక్సెస్ అయ్యాడు అనే చెప్పాలి.

దేవర సినిమాను కన్నడలో చాలా బాగా ఆదరించారు అక్కడి జనాలు. అందుకే అక్కడ వసూళ్లు కూడా భారీగా వచ్చాయి. డబ్బింగ్ కూడా ఎన్టీఆర్ స్వయంగా చెప్పాడు. కన్నడ ఎన్టీఆర్ కు మథర్ టంగ్ కాబట్టి అలా చెప్పాడని అక్కడి జనాలు కూడా అంటున్నారు. ఇప్పుడు కన్నడలో ఎన్టీఆర్ ను బీట్ చేసే తెలుగు హీరో ఎవరూ లేరు. ఇది గమనించిన పుష్ప టీం… ఎన్టీఆర్ ను కన్నడలో వాడుకోవాలని డిసైడ్ అయింది. అక్కడి స్టార్ హీరోలతో కూడా ఎన్టీఆర్ కు మంచి పరిచయాలు ఉన్నాయి. ఫాలోయింగ్ కూడా బాగుంది.

అందుకే బెంగళూరులో నిర్వహించే ఈవెంట్ కు ఎన్టీఆర్ ను ఆహ్వానించాలని భావిస్తున్నారు మేకర్స్. అల్లు అర్జున్ కు ఎన్టీఆర్ కు మధ్య మంచి స్నేహం ఉంది. అందుకే ఎన్టీఆర్ ను పుష్ప ప్రమోషన్స్ కు కనీసం బెంగళూరు వరకు అయినా వాడుకోవాలని రిక్వస్ట్ చేస్తున్నారు. మైత్రీ మూవీ మేకర్స్ అధినేతకు ఎన్టీఆర్ కు మధ్య మంచి స్నేహం ఉంది. అందుకే ఇప్పుడు ఎన్టీఆర్ ను పుష్ప ప్రమోషన్స్ కు పిలవాలని ప్లాన్ చేస్తున్నారు. సినిమా ప్రమోషన్ కు వెళ్తే… కన్నడలో మాట్లాడి అక్కడి ఫ్యాన్స్ ను ఫిదా చేసే టాలెంట్ ఎన్టీఆర్ ది.

కన్నడ ఎన్టీఆర్ ఏ రేంజ్ లో మాట్లాడతాడో అందరికి క్లారిటీ ఉంది. అందుకే ఇప్పుడు ఇగోలు పక్కన పెట్టి ఎన్టీఆర్ ను పిలవాలని ప్లాన్ చేస్తున్నారు మేకర్స్. ఇక ఎన్టీఆర్ ఇప్పుడు కన్నడపై ఎక్కువ ఫోకస్ చేసాడు. ప్రశాంత్ నీల్ తో ఓ సినిమా చేస్తున్నాడు. ఈ సినిమాలో ఎక్కువగా కన్నడ యాక్టర్ ను తీసుకుంటున్నారు. హీరోయిన్ కూడా అక్కడి అమ్మాయిని తీసుకుంటున్నట్టు వార్తలు వస్తున్నాయి. అలాగే శివ రాజ్ కుమార్, రిశబ్ శెట్టి కూడా ప్రశాంత్ నీల్ సినిమాలో కీ రోల్ ప్లే చేసే ఛాన్స్ కనపడుతోంది. మరి ఎన్టీఆర్ తో ప్రమోషన్స్ పుష్ప 2 కు ఎంత వరకు అడ్వాంటేజ్ అవుతాయో చూడాలి.