మరో ఆల్ రౌండర్ కు చోటు, రెండో టెస్టుకు ఆసీస్ జట్టిదే

బోర్డర్ గవాస్కర్ ట్రోఫీ తొలి మ్యాచ్ లో చిత్తుగా ఓడిన ఆస్ట్రేలియా రెండో టెస్టుకు రెడీ అవుతోంది. ఈ మ్యాచ్ లో గెలిచి సిరీస్ సమం చేయాలని పట్టుదలగా ఉంది. దీనిలో భాగంగా ఆస్ట్రేలియా క్రికెట్ బోర్డు రెండో టెస్టుకు జట్టును ప్రకటించింది. తొలి టెస్టు జట్టుకు ఎంపికైన ఆటగాళ్లతో పాటు అదనంగా ఆల్‌రౌండర్ బ్యూ వెబ్‌స్టర్‌ కు పిలుపునిచ్చింది. వెబ్‌స్టర్‌ టెస్ట్ జట్టులోకి ఎంపికవడం ఇదే తొలిసారి. మిచెల్ మార్ష్ ఫిట్‌నెస్‌‌పై ఆందోళన నేపథ్యంలో ఆస్ట్రేలియా ఆల్‌రౌండర్ వెబ్‌స్టర్‌ను ఎంపిక చేసింది. గత రెండు సీజన్లలో వెబ్‌స్టర్ ఫస్ట్ క్లాస్ క్రికెట్‌లో అద్భుత ప్రదర్శన చేస్తున్నాడు. సర్ గార్‌ఫీల్డ్ సోబెర్స్ తర్వాత షెఫీల్డ్ షీల్డ్‌ చరిత్రలో ఓ సీజన్‌లో 900+ పైగా పరుగులు, 30 వికెట్లు పడగొట్టినన ప్లేయర్‌గా వెబ్‌స్టర్ నిలిచాడు. డిసెంబర్ 6 నుంచి అడిలైడ్ వేదికగా రెండో టెస్టు ప్రారంభం కానుంది