జట్టులోకి మరో ఆల్ రౌండర్ వాషింగ్టన్ సుందర్ కు పిలుపు

న్యూజిలాండ్ తో మిగిలిన రెండు టెస్టులకు వాషింగ్టన్ సుందర్ జట్టులోకి వచ్చాడు. రంజీ ట్రోఫీలో త‌మిళ‌నాడుకు ఆడుతున్న సుంద‌ర్ త్వ‌ర‌లోనే జ‌ట్టుతో క‌లుస్తాడ‌ని బీసీసీఐ వెల్ల‌డించింది. చివ‌రి రెండు టెస్టుల‌కు భార‌త్ 16 మంది బృందంతో కొన‌సాగ‌నుందని తెలిపింది.2021 మార్చిలో ఇంగ్లాండ్‌పై అతను చివరిసారిగా టెస్టు ఆడాడు. దాదాపు మూడున్నర ఏళ్ల తర్వాత సుందర్ టెస్టు జట్టులో చోటు దక్కించుకున్నాడు. ప్రస్తుతం సుందర్ రంజీ ట్రోఫీలో ఢిల్లీపై సెంచరీ కొట్టాడు. సుందర్ ఆల్‌రౌండ్ సామర్థ్యాన్ని దృష్టిలో పెట్టుకుని జట్టులోకి తీసుకున్నట్టు తెలుస్తోంది. ఈ నెల 24 నుంచి పుణే రెండో టెస్టు ప్రారంభంకానుంది.