రెండో వన్డేలో ఆసీస్ షాక్ సిరీస్ సమం చేసిన పాక్

ఆస్ట్రేలియా పర్యటనలో పాకిస్తాన్ తొలి విజయాన్ని అందుకుంది. మొదటి వన్డేలో చిత్తుగా ఓడిన పాక్ రెండో వన్డేలో కంగారూలకు షాకిచ్చింది. 9 వికెట్ల తేడాతో ఆసీస్ ను ఓడించింది. మొదట బ్యాటింగ్ కు దిగిన ఆస్ట్రేలియాను పాక్ బౌలర్లు 163 పరుగులకు ఆలౌట్ చేశారు. హ్యారీస్ రవూఫ్ 5 , షాహీన్ అఫ్రిది 3 వికెట్లతు కంగారూలను దెబ్బకొట్టారు. స్టీవ్ స్మిత్ 35 రన్స్ తో టాప్ స్కోరర్ గా నిలిచాడు. తర్వాత పాకిస్తాన్ 26.3 ఓవర్లలోనే లక్ష్యాన్ని ఛేదించింది. ఓపెనర్లు అయూబ్ , అబ్దుల్లా షపీఖ్ హాఫ్ సెంచరీలతో రాణించారు. అయూబ్ 82 , షఫీఖ్ 64 పరుగులు చేయగా.. ఈ విజయంతో పాక్ మూడు వన్డేల సిరీస్ ను సమం చేసింది. సిరీస్ డిసైడర్ గా మారిన చివరి మ్యాచ్ ఆదివారం పెర్త్ వేదికగా జరుగుతుంది.