Virat Kohli, Gautam Gambhir : నువ్వు నా జూనియర్ రా.. మనం మనం ఒకటి

వన్డే ప్రపంచకప్‌ 2023లో ఆస్ట్రేలియాతో జరిగిన తొలి మ్యాచ్‌లో విజయం సాధించడం ద్వారా భారత జట్టు టోర్రీలో ఘనంగా  అడుగుపెట్టింది. ఈ మ్యాచ్‌లో టీమిండియా 6 వికెట్ల తేడాతో విజయం సాధించింది. ఒకానొక సమయంలో భారత్ స్కోరు రెండు పరుగులకే మూడు వికెట్లు ఉండగా, ముగ్గురు టాప్ ఆర్డర్ బ్యాట్స్‌మెన్  ఖాతా తెరవకుండానే ఔటయ్యారు. ఇక్కడి నుంచి విరాట్ కోహ్లి 85 పరుగులతో అద్భుతమైన ఇన్నింగ్స్ ఆడగా, కేఎల్ రాహుల్ 97 పరుగులతో అద్భుతమైన ఇన్నింగ్స్ ఆడి జట్టును కష్టాల నుంచి గట్టెక్కించడమే కాకుండా విజయతీరాలకు చేర్చారు.

విరాట్‌ ఇన్నింగ్స్‌పై సర్వత్రా ప్రశంసలు కురుస్తున్నాయి. మరోవైపు మాజీ క్రికెటర్‌ గౌతమ్‌ గంభీర్‌ కూడా తన స్పందనను బయటపెట్టి, కొత్త చర్చకు దారి తీసాడు. ఈ మ్యాచ్‌లో విరాట్ కోహ్లి జట్టుకు చాలా ముఖ్యమైన ఇన్నింగ్స్ ఆడాడు. దీంతో ఆ జట్టు సులువైన విజయాన్ని అందుకుంది. ఈ మ్యాచ్‌లో విరాట్ 85 పరుగుల ఇన్నింగ్స్ ఆడాడు. టీమిండియా మాజీ ఆటగాడు గౌతమ్ గంభీర్ కూడా విరాట్ ఇన్నింగ్స్‌పై ప్రశంసలు కురిపించాడు. విరాట్ కోహ్లీ, గౌతమ్ గంభీర్ మధ్య విభేదాలు వార్తలు తరచుగా తెరపైకి వస్తుంటాయి. కానీ, ఈసారి విరాట్ తన ఇన్నింగ్స్‌తో గౌతమ్ గంభీర్‌ను తన అభిమానిగా మార్చుకున్నాడు.