సంజూ సిక్స్ తో లేడీ ఫ్యాన్ కు గాయం, సారీ చెప్పిన భారత క్రికెటర్

సౌతాఫ్రికాతో చివరి టీ ట్వంటీలో భారత్ ఘన విజయం సాధించి సిరీస్ ను కైవసం చేసుకుంది. భారత్ ఇన్నింగ్స్ లో సంజూ శాంసన్ , తిలక్ వర్మ సెంచరీలు హైలైట్ గా నిలిచాయి. ముఖ్యంగా సంజూ శాంసన్భారీ సిక్సర్లతో సఫారీ బౌలర్లపై విరుచుకుపడ్డాడు. అయితే సంజూ శాంసన్ కొట్టిన ఓ భారీ సిక్సర్‌తో గ్యాలరీలో ఉన్న ఓ అభిమానికి తీవ్రగాయమైంది. అతని సిక్సర్ ధాటికి ఓ లేడీ ఫ్యాన్ దవడ పగిలింది. ట్రిస్టన్ స్టబ్స్ వేసిన 10వ ఓవర్‌లో ఈ ఘటన చోటు చేసుకుంది. సంజూ శాంసన్.. డీప్ మిడ్ వికెట్ దిశగా సిక్సర్ కొట్టాడు.గ్యాలరీలో ఉన్న సెక్యూరిటీ ఆఫిసర్ ఈ బంతిని అందుకునే ప్రయత్నం చేయగా.. అతని చేతిని తాకి లేచిన బంతి పక్కనే ఉన్న ఓ లేడీ ఫ్యాన్ దవడకు బలంగా తాకింది. ఆ నొప్పికి విలవిలలాడిన సదరు మహిళ ఐస్ ప్యాక్ పెట్టుకొని కన్నీటి పర్యంతమైంది. గ్రౌండ్ లో నుంచి ఆమెకు సంజూ సారీ చెప్పాడు.