Jr.NTR: హృతిక్‌కు హ్యాండ్‌ ఇచ్చి సల్లూ భాయ్‌తో వెళ్లిపోతున్న తారక్‌

యంగ్‌ టైగర్‌ ఎన్టీఆర్‌ త్వరలో బాలీవుడ్‌ ఎంట్రీ ఇవ్వబోతున్నాడు. అయాన్‌ ముఖర్జీ డైరెక్షన్‌లో వస్తున్న వార్‌-2 సినిమాలో తారక్‌ కనిపించబోతున్నాడు. హృతిక్‌ రోషన్‌తో హోరాహోరీ తలబడబోతున్నాడు. ఇది అందరికీ తెలిసిన న్యూస్‌. కానీ వార్‌-2 కంటే ముందే వేరే సినిమాతో తారక్‌ బాలీవుడ్‌ ఎంట్రీ ఇవ్వబోతున్నాడంటూ బాలీవుడ్‌ మీడియా వర్గాలు కోడై కూస్తున్నాయి. సల్మాన్‌ ఖాన్‌ హీరోగా వస్తున్న టైగర్‌-3 సినిమాలో తారక్‌ కనిపించబోతున్నాడట. అయితే ఏ రోల్‌లో కనిపించబోతున్నాడు.. విలన్‌గానా లేకా సపోర్టింగ్‌ రోల్‌లోనా అనే విషయంలో క్లారిటీ లేదు. ఈ సినిమా వార్‌-2 కంటే ముందే దీపావళికే రిలీజ్‌ కాబోతోంది. అంటే దీపావళికే తారక్‌ బాలీవుడ్‌ ఎంట్రీ ఉంటుంది.

ఈ న్యూస్‌ తారక్‌ ఫ్యాన్స్‌లో మంచి జోష్‌ నింపింది. దీని గురించి గాసిప్స్‌ గాట్టిగానే వినిపిస్తున్నా.. మూవీ యూనిట్ నుంచి ఇప్పటి వరకూ ఎలాంటి రెస్పాన్స్‌ లేదు. దీంతో ఈ అప్‌డేట్‌ కోసం తారక్‌ ఫ్యాన్స్‌ వెయిట్‌ చేస్తున్నారు. ప్రస్తుతం కొరటాల శివ దర్శకత్వంలో దేవర సినిమా చేస్తున్నాడు తారక్‌. సముద్రం బ్యాక్‌డ్రాప్‌లో వస్తున్న ఈ సినిమాను చాలా వైల్డ్‌గా తెరకెక్కిస్తున్నాడు కొరటాల శివ. హాలీవుడ్‌ నుంచి స్టంట్‌ మాస్టర్లను పిలింపించ మరీ ఫైట్‌ సీన్లు కంపోజ్‌ చేయించాడు. సినిమా షూటింగ్‌ ఇప్పటికే చాలా వరకూ పూర్తైంది. ఈ సినిమాలో బాలీవుడ్‌ బ్యూటీ జాన్వీ కపూర్‌ హీరోయిన్‌గా నటిస్తోంది. ఫేవరెట్‌ స్టార్‌తో టాలీవుడ్‌ ఎంట్రీ ఇవ్వబోతోంది.