అదరగొట్టిన ముకేశ్ ఆసీస్ ‘ఎ’ 195 ఆలౌట్

ఆస్ట్రేలియా గడ్డపై భారత యువ పేసర్లు రాణించారు. బ్యాటింగ్ లో నిరాశపరిచినా భారత్ బౌలర్ల ఈ మ్యాచ్ లో అదరగొట్టారు. ముఖ్యంగా పేస్ బౌలర్ ముకేశ్‌ కుమార్‌ ఆరు వికెట్లతో కంగారూ టీమ్ ను దెబ్బకొట్టాడు. ఫలితంగా ఆసీస్ ఏ 195 పరుగులకే ఆలౌటైంది. ఈ మ్యాచ్‌లో మొదట బ్యాటింగ్‌ చేసిన భారత్‌ 107 పరుగులకు ఆలౌటైంది. అయితే ముకేశ్‌ కుమార్‌ ఆరు వికెట్ల ప్రదర్శనతో ఆసీస్ యువ జట్టుకు భారీ ఆధిక్యం దక్కలేదు. భారత బౌలర్లలో ప్రసిద్ద్‌ కృష్ణ మూడు, నితీశ్‌ కుమార్‌ రెడ్డి ఓ వికెట్‌ పడగొట్టారు. 88 పరుగులు వెనుకబడి రెండో ఇన్నింగ్స్‌ ప్రారంభించిన భారత్‌ రెండో రోజు ఆట ముగిసే సమయానికి 2 వికెట్ల నష్టానికి 208 పరుగులు చేసింది. ప్రస్తుతం భారత్ 120 పరుగుల లీడ్ లో ఉంది.