తెలుగోడి దెబ్బ…కమ్మిన్స్ అబ్బా ఆసీస్ కెప్టెన్ కు నితీశ్ షాక్

పెర్త్ టెస్టులో తెలుగు క్రికెటర్ నితీశ్ కుమార్ రెడ్డి ఆకట్టుకున్నాడు. అరంగేట్రంలోనే కీలక ఇన్నింగ్స్ తో అందరినీ ఫిదా చేశాడు. టీమిండియా మేనేజ్‌మెంట్ తనపై పెట్టుకున్న నమ్మకాన్ని నిలబెట్టుకున్నాడు. కమ్మిన్స్ బౌలింగ్ లో నితీశ్ రెడ్డి కొట్టిన
సిక్సర్‌ భారత ఇన్నింగ్స్‌కే హైలైట్‌గా మారింది. ప్యాట్ కమిన్స్ బౌన్సర్‌గా వేయగా.. నితీష్ రెడ్డి సూపర్ అప్పర్ కట్‌తో సిక్సర్ గా కొట్టాడు. థర్డ్ మ్యాన్ గా లబుషేన్‌ను ఫీల్డ్ సెట్ చేసి మరి కమిన్స్ ఈ బంతి వేసాడు. కానీ నితీష్ కుమార్ రెడ్డి కొట్టిన అప్పర్ కట్.. లబుషేన్ పై నుంచి సిక్సర్‌గా వెళ్లింది. ప్రస్తుతం ఈ క్యాచ్‌కు సంబంధించిన వీడియో నెట్టింట వైరల్‌గా మారింది. ఈ సిక్సర్‌‌‌కు నెటిజన్లు ఫిదా అవుతున్నారు. తెలుగోడి సిక్సర్ దెబ్బ… ఆసీస్ కెప్టెన్ అబ్బా అంటూ కామెంట్స్ చేస్తున్నారు.