స్టోయినిస్ విధ్వంసం, పాక్ పై ఆసీస్ క్లీన్ స్వీప్

ఆస్ట్రేలియా గడ్డపై వన్డే సిరీస్ గెలిచి సంచలనం సృష్టించిన పాకిస్తాన్ టీ ట్వంటీ సిరీస్ లో మాత్రం ఘోరపరాజయం పాలైంది. ఆడిన మూడు మ్యాచ్ ల్లోనూ ఓడిపోయి క్లీన్ స్వీప్ పరాభవాన్ని చవిచూసింది. చివరి టీ ట్వంటీలో స్టోయినిస్ విధ్వంసకర బ్యాటింగ్ తో రెచ్చిపోవడంతో ఆసీస్ 7 వికెట్ల తేడాతో గ్రాండ్ విక్టరీ కొట్టింది. మొదట బ్యాటింగ్ కు దిగిన పాక్ ను ఆసీస్ బౌలర్లు 117 రన్స్ కే ఆలౌట్ చేశారు. బాబర్ ఆజామ్ ఒక్కడే రాణించగా.. మిగతా బ్యాటర్లు విఫలమయ్యారు. తర్వాత ఛేజింగ్ కాస్త తడబడినట్టు కనిపించినా స్టోయినిస్ విధ్వంసం సృష్టించాడు. కేవలం 27 బంతుల్లోనే 5 ఫోర్లు, 5 సిక్సర్లతో 61 పరుగులు చేసాడు. ఫలితంగా ఆస్ట్రేలియా 11.2 ఓవర్లలోనే టార్గెట్ ను అందుకుంది. మొదటి రెండు మ్యాచ్ ల్లోనూ కూడా పాక్ చిత్తుగా ఓడిపోయింది.