బాలీవుడ్ స్టార్ తో తెలుగు డైరెక్టర్, టైటిల్ ఫిక్స్

ఒకప్పుడు ఇండియన్ సినిమాను కనుసైగతో శాసించిన బాలీవుడ్ ఇప్పుడు చుక్కలు చూస్తోంది. సౌత్ ఇండియా సినిమాల దెబ్బకు బాలీవుడ్ స్టార్ హీరోలకు కంటి మీద కునుకు లేదు. ఎప్పుడు ఏ ప్రాజెక్ట్ అనౌన్స్ చేస్తారో, రిలీజ్ అయిన స్టార్ హీరోల సినిమాల వసూళ్లు ఏ రికార్డులు సెట్ చేస్తాయో అంటూ బాలీవుడ్ స్టార్ హీరోలు భయపడిపోతున్నారు. ఇప్పుడు అసలు ఇండియన్ మీడియాలో కూడా బాలీవుడ్ ప్రాధాన్యత చాలా తగ్గింది. తెలుగు సినిమా హవా ఎక్కువగా నడుస్తోంది అనేది క్లియర్ గా అర్ధమవుతోంది.

ఇండియన్ సినిమా మ్యాప్ పై టాలీవుడ్ వైలెంట్ గా పాగా వేసింది. దేవర సినిమా దెబ్బకు బాలీవుడ్ బేస్మెంట్ షేక్ అయింది. ఒక్కో పిల్లర్ ను బుల్డోజర్ తో టాలీవుడ్ కూలుస్తోంది. ప్రభాస్ దీనికి పునాది వేయగా ఇప్పుడు యంగ్ టైగర్ ఎన్టీఆర్ తో బాలీవుడ్ హీరోలకు పట్టపగలే చుక్కలు కనపడ్డాయి. ముఖ్యంగా అమెరికాలో జరిగిన ప్రీ బుకింగ్ మార్కెట్ కు బాలీవుడ్ షేక్ అయింది. ఇక మన తెలుగు డైరెక్టర్ లకు కూడా బాలీవుడ్ లో క్రేజ్ పెరుగుతోంది. యానిమల్ సినిమాతో బాలీవుడ్ కు సందీప్ రెడ్డి వంగా కొత్త ఊపిరి అందించాడు.

ఆ సినిమాతో బాలీవుడ్ హీరోలకు సౌత్ డైరెక్టర్ల దమ్ము ఏంటో క్లారిటీ వచ్చింది. అందుకే ఇప్పుడు సురేందర్ రెడ్డి, గోపిచంద్ మలినేని, త్రివిక్రమ్ వంటి డైరెక్టర్లకు కూడా బాలీవుడ్ లో ఓ ఛాన్స్ ఇవ్వాలని ప్లాన్ చేస్తున్నారు అక్కడి హీరోలు. యానిమల్ సినిమాతో బాబీ డియోల్ స్ట్రాంగ్ కం బ్యాక్ ఇచ్చాడు. తెలుగులో అతనికి మంచి ఛాన్స్ లు వస్తున్నాయి. విలన్ గా బిజీ అవ్వాలని ట్రై చేస్తున్నాడు. ఇదే టైం లో హీరోగా కూడా ఓ మంచి హిట్ కోసం వర్క్ స్టార్ట్ చేసాడు బాబీ. అందుకే తెలుగు మాస్ డైరెక్టర్ కు ఛాన్స్ ఇచ్చాడు.

గోపిచంద్ మలినేని డైరెక్షన్ లో ఓ సినిమాను అనౌన్స్ చేసాడు బాబీ డియోల్. శనివారం బాబీ పుట్టిన రోజు సందర్భంగా ఈ సినిమాను అనౌన్స్ చేయగా… జాట్ అనే టైటిల్ ను ఫైనల్ చేసారు. ఈ సినిమాను నాలుగు భాషల్లో రిలీజ్ చేసే ప్లాన్ చేస్తున్నారు. హర్యానా బ్యాక్ డ్రాప్ లో ఈ సినిమా వచ్చే ఛాన్స్ ఉంది. ఈ సినిమాలో హీరోయిన్ గా రేజీనా నటిస్తోంది. మరో హీరోయిన్ కూడా ఉండే ఛాన్స్ ఉంది. యానిమల్ సినిమాతో తెలుగు ప్రేక్షకులకు కూడా బాబీ దగ్గరయ్యాడు. ఇప్పుడు ఈ సినిమా హిట్ అయితే తిరుగు ఉండదని, మళ్ళీ కెరీర్ ను గాడిలో పెట్టవచ్చని బాబీ ప్లాన్ చేస్తున్నాడు.