కాంగ్రెస్ కు వ్యతిరేకంగా పోస్టర్ల కలకలం.. ఏం రాశారో తెలుసా..?

కాంగ్రెస్ కు వ్యతిరేకంగా పోస్టర్ల కలకలం.. ఏం రాశారో తెలుసా ?

కాంగ్రెస్ వర్కింగ్ కమిటీ (సీడబ్ల్యూసీ) సమావేశాలు కొద్దిసేపట్లో హైదరాబాద్‌ తాజ్ కృష్ణ హోటల్ లో ప్రారంభం కానున్నాయి. ఈ మీటింగ్స్ లో సోనియాగాంధీ సహా కీలక కాంగ్రెస్ నేతలు పాల్గొనబోతున్నారు. ఈ తరుణంలో కాంగ్రెస్ నేతలకు వ్యతిరేకంగా వ్యాఖ్యలతో కూడిన పోస్టర్లు హైదరాబాద్ సిటీ లోని కొన్ని ప్రాంతాల్లో వెలిశాయి.

‘‘కరప్ట్ వర్కింగ్ కమిటీ” అని ఆ పోస్టర్లపై రాతలు. పోస్టర్లపై కాంగ్రెస్ వర్కింగ్ కమిటీ సభ్యుల ఫొటోలను ప్రచురించారు. వారు కొన్ని స్కామ్ లు చేశారనే ఆరోపణలను కూడా ఆ పోస్టర్లపై ముద్రించడం గమనార్హం. సిటీ లో వెలసిన ఈ పోస్టర్ కాంగ్రెస్ నేతలు మండిపడుతున్నారు. రాష్ట్రంలో కాంగ్రెస్ బలపడుతుండటాన్ని జీర్ణించుకోలేక కొన్ని పార్టీలు ఇలా దుష్ప్రచారం చేస్తున్నాయని అంటున్నారు. కాంగ్రెస్ ను ధైర్యంగా ఎదుర్కోలేని పిరికి పందలు.. దొంగచాటుగా ఈ పోస్టర్లను అంటించారు చెబుతున్నారు. దీనిపై కాంగ్రెస్ నేతలు పోలీసులకు ఫిర్యాదు చేసే యోచనలో ఉన్నట్లు తెలుస్తోంది.

పోస్టర్ లో ఉన్న కాంగ్రెస్ నేతల పేర్లు, ప్రస్తావించిన స్కాముల వివరాలివీ..

• మల్లికార్జున ఖర్గే – నేషనల్ హెరాల్డ్ స్కాం
•  సోనియా గాంధీ – నేషనల్ హెరాల్డ్ స్కాం, ఛాపర్ స్కాం
•  మన్మోహన్ సింగ్ – కోల్ అలోకేషన్ స్కాం
•  రాహుల్ గాంధీ – నేషనల్ హెరాల్డ్ స్కాం
•  ఏకే ఆంటోనీ – నేషనల్ హెరాల్డ్ స్కాం
• మీరా కుమార్ – నేషనల్ హైవేస్ అథారిటీ స్కాం
• దిగ్విజయ్ సింగ్ – రిక్రూట్ మెంట్ స్కాం
•  చిదంబరం – ఫోర్జరీ, స్టాక్ మార్కెట్ , శారదా చిట్ ఫండ్, వీసా స్కాం
•  లాల్ థన్ వాలా –మధ్యాహ్న భోజన స్కాం, లాటరీ స్కాం
• ముఖుల్ వాస్నిక్ – ఎలక్షన్ టికెట్ స్కాం, ప్రాపర్టీ టాక్స్ స్కాం 
• ఆనంద్ శర్మ – వాల్ మార్ట్ స్కాం
• అశోక్ రావ్ చవాన్ – ఆదర్శ్ హౌసింగ్ సొసైటీ స్కాం
•  చరంజిత్ సింగ్ చన్నీ – స్పోర్ట్స్ కిట్, ప్రభుత్వ ఉద్యోగాలు, థీమ్ పార్క్ స్కాం
• ప్రియాంక గాంధీ వాద్రా – నేషనల్ హెరాల్గ్ స్కాం,డీఎల్ఎఫ్ లాండ్ స్కాం,
•  అభిషేక్ మనుసింఘ్వీ – సీడీ రికార్డింగ్ స్కాం
• జైరాం రమేష్ – కోల్ స్కాం
• మహేంద్రజీత్ సింగ్ మాల్వియా –అసిస్టెంట్ ఇంజినీర్స్ ట్రాన్స్ ఫర్ స్కాం
• కేసీ వేణుగోపాల్ – సోలార్ స్కాం
• అధిర్ రంజన్ చౌదరి – శారదా స్కాం
•  అంబికా సోని – రైల్వే వాటర్ బాటిల్స్ స్కాం
• అజయ్ మాకెన్ – రియల్ ఎస్టేట్ స్కాం
• తామ్రద్వజ్ సాహు – ఆవు పేడ స్కాం
•  సల్మాన్ ఖుర్షీద్ – వీల్ చెయిర్ స్కాం
• శశిథరూర్ – స్పాట్ ఫిక్సింగ్ స్కాం