వార్నర్ కు షాక్, ఆసక్తి చూపని ఫ్రాంచైజీలు

ఐపీఎల్ మెగావేలంలో పలువురు స్టార్ ప్లేయర్స్ కు షాక్ తగిలింది. ఆస్ట్రేలియా మాజీ విధ్వంసకర ఓపెనర్ డేవిడ్ వార్నర్ అన్ సోల్డ్ గా మిగిలిపోయాడు.ఈ వేలం పాటలో అతను అమ్ముడుపోలేదు. టీ20 ఫార్మట్‌లో టన్నలు కొద్దీ పరుగులు చేసిన ఈ లెఫ్ట్ హ్యాండర్ బ్యాటర్‌ను తీసుకోవడానికి ఏ ఫ్రాంఛైజీ కూడా ముందుకు రాలేదు. 2009లో ఐపీఎల్‌లో అడుగు పెట్టిన తరువాత 2024 సీజన్ వరకూ కొనసాగుతూ వచ్చాడు. ఈ మెగా టోర్నమెంట్‌లో 6,565 రన్స్ చేయగా.. దీనిలో 4 సెంచరీలు, 62 హాఫ్ సెంచరీలు ఉన్నాయి. సన్‌రైజర్స్ హైదరాబాద్‌ను ఛాంపియన్‌గా నిలిపిన వార్నర్ కు ఆ తర్వాత సీజన్ నుంచి గడ్డకాలం మొదలైంది. ఆ తర్వాత సన్ రైజర్స్ విడిచిపెట్టడం, ఢిల్లీ క్యాపిటల్స్ కు ఆడినా స్థాయికి తగినట్టు రాణించలేదు. ఈ కారణంగానే ఇప్పుడు వేలంలో అమ్ముడుకాలేదు.