Vijay Devarakonda: విజయ్‌కి షాకిచ్చిన నిర్మాత.. డబ్బు తిరిగి ఇవ్వాలంటూ ట్వీట్‌..

చాలా కాలంగా మంచి హిట్‌ కోసం ఎదురుచూస్తున్న విజయ్‌ దేవరకొండకు ఖుషీ సినిమా మంచి కంబ్యాక్‌లా మారింది. ఈ సినిమా విజయాన్ని ఫ్యాన్స్‌తో షేర్‌ చేసుకుంటున్నాడు విజయ్‌ దేవరకొండ. రీసెంట్‌గా వైజాగ్‌లో నిర్వహించిన ఓ ఈవెంట్‌లో ఫ్యాన్స్‌కు కోటి రూపాయలు ఇవ్వాలనుకుంటున్నట్టు చెప్పాడు. వంద కుటుంబాలను ఎంపిక చేసి ఒక్కో కుంటుంబానికి లక్ష చొప్పున ఇస్తానంటూ చెప్పాడు. ఖుషీ సినిమాతో తాను సంపాదించిన డబ్బుతోనే ఈ పని చేయబోతున్నట్టు చెప్పాడు. తన ఆనందంతో పాటు సంపాదన కూడా ఫ్యాన్స్‌తో పంచుకుంటానంటూ చెప్పి కాస్త ఎమోషనల్‌ అయ్యాడు.

ఇదే విషయంలో రియాక్ట్‌ అయ్యారు వరల్డ్‌ ఫేమస్‌ లవర్‌ నిర్మాతలు. ఫ్యాన్స్‌కు డబ్బులు ఇవ్వడం కాదు. వరల్డ్‌ ఫేమస్‌ సినిమా వల్ల 8 కోట్లు నష్టం వచ్చింది. మీకు పెద్ద మనసు ఉంటే ఆ డబ్బులు నిర్మాణ సంస్థకు తిరిగి ఇవ్వాలంటూ ట్వీట్‌ చేశారు. అభిషేక్‌ పిక్చర్స్‌ బ్యానర్‌ ట్విటర్‌ అకౌంట్‌ నుంచి వచ్చిన ఈ ట్వీట్‌ ఇప్పుడు వైరల్‌గా మారింది. విజయ్‌ కెరీర్‌లోని బిగ్గెస్ట్‌ డిజాస్టర్‌ సినిమాల్లో వరల్డ్‌ ఫేమస్‌ లవర్‌ ఒకటి. విజయ్‌ మేనియాకు తగ్గట్టుగా సినిమా ఉంటుంది అని అంతా అనుకున్నా.. సినిమా రిలీజ్‌ అయ్యాక మాత్రం అంచనాలు తలకిందులయ్యాయి. ఈ సినిమాలో నిర్మాతలు గట్టిగానే నష్టపోయారు. ఇప్పుడు విజయ్‌ చేసిన ప్రకటనతో తమ నష్టాన్ని కూడా కాస్త కవర్‌ చేయాలని కోరుతున్నారు. వీళ్ల రిక్వెస్ట్‌కు విజయ్‌ ఎలా రియాక్ట్‌ అవుతాడో చూడాలి మరి.