Anti Climbing Paint: ఈ పెయింట్‌ వేసుకుంటే మీ ఇంట్లో చోరీ జరగదు..
ఇంటికి తాళం వేసి ఎక్కడికైనా వెళ్లాలంటే ప్రతీ ఒక్కరికీ ఉండే ఒకే ఒక్క భయం దొంగలు. దొంగల నుంచి ఇంటిని కాపాడుకునేందుకు ఎన్నో ఉపాయాలు చేస్తూ ఉంటారు చాలా మంది. ఏవేవో ఎలక్ట్రానిక్స్‌ను సెక్యురిటీగా ఇంట్లో పెడుతుంటారు. ఇప్పటి వరకూ సీసీ కెమెరాలు, అలారం బజర్‌లు మాత్రమే చూశాం. కానీ ఓ పెయింట్‌ మీ ఇంటిని దొంగతనాల నుంచి కాపాడుతుంది. దొంగలను ఈజీగా పట్టిస్తుంది అని మీకు తెలుసా. లేదంటే ఇప్పుడు తెలుసుకోండి.
- Written By: Srikar Creator
- Publish Date - April 27, 2023 / 01:00 PM IST
“యాంటీ క్లైబింగ్‌ పెయింట్‌” అనే ఈ స్పెషల్‌ పెయింట్‌ను క్యామ్రెక్స్‌ పెయింట్స్‌ అనే సంస్థ తయారు చేసింది. దీని స్పెషాలిటీ ఏంటి అంటే ఇది మూడేళ్లపాటు పచ్చిగానే ఉంటుంది. పట్టుకుంటే జిగురులా జారిపోతుంది. ఈ పెయింగ్‌ వేసిన గోడ కానీ, పైప్స్‌ కానీ ఎక్కడ ఇంపాజిబుల్‌. రిస్క్‌ చేసి ఎక్కినా సగం నుంచే జారిపోతారు. పెయింట్‌ చేతులకు అంటుకుంటుంది. ఆ పెయింట్‌ నార్మల్‌గా పోదు. ఆ కలర్‌ కోసం తయారు చేసిన స్పెషల్‌ కెమికల్‌తో కడిగితేనే పోతుంది. లేదంటే ఎన్నిరోజులైనా అలాగే ఉంటుంది. దీంతో దొంగతనానికి ట్రై చేసిన వ్యక్తిని పోలీసులు కనిపెట్టడం ఈజీ అవుతుంది.
ఇప్పటికే చాలా దేశాల్లో ఈ పెయింట్‌ వాడుతున్నారు. ప్రజెంట్‌ ఇండియాలో కూడా చాలా హార్డ్‌వేర్‌ షాపుల్లో ఈ పెయింట్‌ అందుబాటులో ఉంది. ఇంటి చుట్టూ ఉండే ప్రహారీ గోడకు ఈ పెయింట్‌ వేసుకుంటే బెటర్‌. ఇంట్లో చోరీ చేయాలంటే దొంగలు ఆ గోడ దూకే రావాలి. 3 మిల్లీ లీటర్స్‌ మందంతో ఈ పెయింట్‌ వేసుకుంటే మంచిదంఅంటున్నారు నిపుణులు. వెదర్‌ చేజెంస్‌ వల్ల ఈ పెయింట్‌లో ఎలాంటి మార్పు రాదు. పెయింట్‌ వేసిన మూడు సంవత్సరాల పాటు ఒకేలా పని చేస్తుంది.
అయితే చిన్న పిల్లల విషయంలో కాస్త జాగ్రత్తగా ఉంటే బెటర్‌. ఎందుకంటే ఈ కలర్‌ ఒక్కసారి అంటుకుంటే అంత ఈజీగా పోదు. దీన్ని క్లీన్‌ చేసేందుకు వాడే కెమికల్స్‌ చిన్న పిల్లల స్కిన్‌ మీద ఎఫెక్ట్‌ చూపే చాన్స్‌ ఉంది. ఈ మధ్య దొంగలు కూడా చాలా ముదిరిపోయారు. సీసీ కెమెరాలు, అలారం బజర్‌లను టాంపర్‌ చేస్తున్నారు. కానీ ఈ పెయింట్‌ గోడ మొత్తానికి ఉంటుంది కాబట్టి టాంపర్‌ చేసే చాన్స్‌ ఉండదు. కడిగి క్లీన్‌ చేయడం ఇంపాజిబుల్‌. ఫస్ట్‌ ఆఫ్‌ ఆల్‌ ఈ పెయింట్‌ గురించి అవగాహ లేని దొంగ అయితే సింపుల్‌గా ఈ ట్రాప్‌లో పడిపోతాడు. తానే దొంగ అని మార్క్‌ వేసుకుంటాడు. దీని గురించి తెలిసినవాడైతే అక్కడి నుంచి వెళ్లిపోతాడు. అందుకే ఎలక్ట్రానిక్‌ వస్తువులతో పాటు ఇలాంటి పెయింట్‌ మీ ఇంటికి వేసుకుంటే చాలా సేఫ్‌ అంటున్నారు ఎక్స్‌పర్ట్స్‌. దొంగలకే రంగు పడేలా చేసే ఈ యాంటీ క్లైంబింగ్‌ పెయింట్‌ను మీరూ ఓసారి ట్రై చేయండి.