విజయ్ మర్చంట్ ట్రోఫీ ప్రాబబుల్స్ లో వాల్ వారసుడు

టీమిండియా మాజీ హెడ్ కోచ్ రాహుల్ ద్ర‌విడ్ త‌న‌యులు తండ్రి వారసత్వాన్ని నిలబెట్టేందుకు దూసుకొస్తున్నారు. ఇప్పటికే పెద్ద కొడుకు సుమిత్ ద్రవిడ్ అండ‌ర్‌-19 స్ధాయిలో అద‌రగొడుతుండ‌గా.. ఇప్పుడు చిన్న కొడుకు అన్వయ్ ద్ర‌విడ్ కూడా సత్తా చాటుతున్నాడు. తాజాగా అండర్-16 విజయ్ మర్చంట్ ట్రోఫీకి కర్ణాటక క్రికెట్ ఆసోషియేష‌న్‌కు ప్ర‌క‌టించిన 35 మంది ప్రాబబుల్స్ జాబితాలో అన్వయ్‌కు చోటుదక్కింది. అన్వ‌య్ ద్ర‌విడ్ గ‌తేడాది ఇంటర్-జోన్ స్థాయిలో కర్ణాటక అండర్-14 జట్టుకు కెప్టెన్‌గా వ్యవహరించాడు. ఇటీవ‌ల కేఎస్‌సీఏ అండర్-16 ఇంటర్ జోనల్ టోర్నమెంట్‌లో అన్వ‌య్ డ‌బుల్ సెంచ‌రీతో చెల‌రేగాడు. ఈ క్రమంలోనే సెలక్టర్లు అతడికి విజయ్ మర్చంట్ ట్రోఫీ కోసం ప్రాబబుల్స్‌లో చోటు కల్పించారు.