Sourav Ganguly: గంగూలీ బయోపిక్‌.. హీరో అతడేనా..?

Sourav Ganguly: సౌరవ్ గంగూలీ దేశం చూసిన గొప్ప క్రికెటర్లో ఒకటరు. అభిమానులు ముద్దుగా ‘దాదా’ అని పిలుచుకునే లెజెండరీ ఆటగాడే భారత క్రికెట్‌ రూపు రేఖలను మార్చాడు. ముఖ్యంగా టీమిండియాకు దూకుడు అన్న పదాన్ని పరిచయం చేసింది గంగూలీనే. ప్లేయర్‌గా, కెప్టెన్‌గా భారత క్రికెట్‌కు సేవలందించిన సౌరవ్‌.. రిటైర్మెంట్ తర్వాత బీసీసీఐ అధ్యక్షుడిగా కూడా పనిచేశారు. తన సొగసైన ఆటతీరుతో ప్రపంచ క్రికెట్‌లో రారాజుగా వెలుగొందిన సౌరవ్ గంగూలీ బయోపిక్ రెడీ అవుతోంది.

ఈ బయోపిక్‌లో గంగూలీ పాత్రలో చాక్లెట్‌ బాయ్‌ రణ్‌బీర్ కపూర్ కనిపించనున్నాడని ప్రచారం జరిగింది. అయితే ఇప్పుడు హీరో మారనున్నాడు. రణబీర్‌కు బదులు వర్సటైల్‌ హీరో ఆయుష్మాన్ ఖురానా నటిస్తాడని తెలుస్తోంది. ప్రస్తుతం ఆయుష్మాన్ ఖురానాకు బాలీవుడ్‌‌లో మంచి పాపులారిటీ ఉంది. తాజాగా అతను నటించిన ‘డ్రీమ్ గర్ల్ 2’ సినిమా బాక్సాఫీస్‌ వద్ద భారీ వసూళ్లు రాబట్టింది. దీంతో తన తర్వాతి ప్రాజెక్టులపై పూర్తిగా దృష్టి సారించాడు ఆయుష్మాన్‌. మరోవైపు గంగూలీ బయోపిక్‌లో రణ్‌బీర్‌ కపూర్‌ని కాకుండా ఆయుష్మాన్‌ని హీరోగా ఎంపిక చేసేందుకు చిత్రబృందం చాలా ఆసక్తిగా ఉన్నట్లు సమాచారం. ‘డ్రీమ్ గర్ల్ 2’ సక్సెస్‌ తర్వాత ఆయుష్మాన్ మీడియాకు ఇంటర్వ్యూ ఇచ్చారు. ‘సౌరవ్‌ గంగూలీ బయోపిక్‌ గురించి నేను ఏమీ చెప్పలేను.

ఏది ఏమైనా అధికారికంగా తెలియజేయాలి’ అని మాట దాటేశారు. అయితే ట్రేండింగ్‌లో ఉన్న ఈ బయోపిక్ టాపిక్ గురించి టీమ్ భారత్ ఫ్యాన్స్ సంతోషంగా ఉన్నారు. దాదా బయోపిక్ అంటే, దాదాపుగా నవ భారత్ క్రికెట్ బయోపిక్కే అంటూ కామెంట్స్ చేస్తున్నారు.