సచిన్ రికార్డు బ్రేక్ చేసేది అతనే రూట్ ను ఆపలేరన్న కుక్

ఇంగ్లాండ్ స్టార్ బ్యాటర్ జో రూట్ టెస్ట్ క్రికెట్ ను దున్నేస్తున్నాడు. ప్రత్యర్థి ఎవరైనా… ఆడేది ఎక్కడైనా పరుగుల వరద పారిస్తున్నాడు. తాజాగా ముల్తాన్ టెస్టులో డబుల్ సెంచరీతో దుమ్మురేపాడు. ఈ ఇన్నింగ్స్ తో రూట్ పలు రికార్డ్స్ బ్రేక్ చేశాడు. ఈ క్రమంలో అత్యధిక పరుగుల జాబితాలో శరవేగంగా దూసుకొస్తున్నాడు కుక్…మరో 3300 పరుగులు చేస్తే ఆల్ టైమ్ గ్రేట్ టెస్ట్ బ్యాటర్ గా ఈ ఇంగ్లీష్ క్రికెటర్ నిలుస్తాడు. ప్రస్తుతం రూట్ ఇంగ్లాండ్ టెస్ట్ చరిత్రలో అత్యధిక పరుగులు చేసిన ఆటగాడిగా చరిత్ర సృష్టించాడు. పాక్ పై ఇన్నింగ్స్ తో అలెస్టర్ కుక్ రికార్డును అతను అధిగమించాడు. తన రికార్డ్ ను రూట్ బద్దలు కొట్టడంపై కుక్ స్పందించాడు. త్వరలో సచిన్ అత్యధిక పరుగుల రికార్డ్ ను సైతం రూట్ బద్దలు కొడతాడని కాన్ఫిడెంట్ గా చెప్పాడు..

తాను రిటైర్ అయినప్పుడు ఈరికార్డును బద్దలు కొట్టే అవకాశం ఉందని అనుకున్నట్టు చెప్పాడు. చాలా కాలం పాటు క్రికెట్ ఆడిన గొప్ప ఆటగాళ్లందరూ అదృష్టవంతులేనన్న కుక్ తమ తరంలో ఎక్కువ గాయాలు కాకపోవడం అందరికీ లిసొచ్చిందన్నాడు.అయితే ప్రస్తుత క్రికెట్ లో రూట్ పరుగుల దాహాన్ని ఎవరూ ఆపలేరని కుక్ తేల్చేశాడు. ఇదిలా ఉంటే సచిన్ రికార్డు గురించి అడిగనప్పుడు రూట్ ఆసక్తికరంగా సమాధానమిచ్చాడు. రికార్డుల కోసం తాను ఆడ‌న‌ని చెప్పాడు. జ‌ట్టు విజ‌యం సాధిచేందుకు త‌న వంతుగా ప‌రుగులు చేస్తాన‌న్నాడు. సెంచ‌రీ చేయ‌డం వ్య‌క్తిగ‌తంగా సంతోషాన్నిచ్చినా జ‌ట్టు గెలిస్తే అందుకు రెట్టింపు ఆనందం వస్తుందన్నాడు.

ఇదిలా ఉంటే కుక్ రికార్డ్ బ్రేక్ చేసిన రూట్ టెస్టుల్లో అత్యధిక పరుగులు చేసిన ఆటగాళ్ల లిస్టులో టాప్ 5 లో చేరాడు. టీమిండియా దిగ్గజ బ్యాటర్ సచిన్ టెండూల్కర్ 15921 పరుగులతో టాప్ లో ఉండగా… రికీ పాంటింగ్, కల్లిస్, రాహుల్ ద్రవిడ్ తర్వాతి స్థానాల్లో ఉన్నారు. కాగా రూట్ తన టెస్టు కెరీర్ లో 35 సెంచరీలతో దిగ్గజాలను దాటేశాడు. టెస్టుల్లో అత్యధిక సెంచరీలు చేసిన ఆటగాళ్లలో ప్రస్తుతం ఈ ఇంగ్లాండ్ క్రికెటర్ ఆరో స్థానానికి చేరాడుఈ లిస్టులో సచిన్ 51 సెంచరీలతో అగ్ర స్థానంలో ఉన్నాడు. రూట్ జోరు ఇలాగే కొనసాగితే సచిన్ పరుగుల రికార్డుతో పాటు శతకాల రికార్డును కూడా బ్రేక్ చేయడం ఖాయమని అంచనా వేస్తున్నారు.