Royal Challengers Bangalore: ఇక రాయల్ ఛాలెంజర్స్ బెంగళూరు.. పేరు మార్చుకోనున్న ఆర్‌సీబీ

Royal Challengers Bangalore: ఐపీఎల్ 2024 సీజన్‌కు ముందు రాయల్ ఛాలెంజర్స్ బెంగళూరు ఫ్రాంచైజీ సంచలన నిర్ణయం తీసుకున్నట్లు తెలుస్తోంది. ఆర్‌సీబీ తమ పేరును మార్చుకోవాలని భావిస్తోందట. గత 16 ఏళ్లుగా ఆ జట్టు టైటిల్ కోసం నిరీక్షిస్తోంది. ఇప్పటికే టీమ్ లోగోతో పాటు కోచ్‌లను ఆటగాళ్లను మార్చినా..ఫలితం మాత్రం దక్కలేదు. ఈ క్రమంలోనే తమ పేరులో స్వల్ప మార్పు చేయాలని ఆర్‌సీబీ భావిస్తున్నట్లు తెలుస్తోంది.

DELHI CAPITALS: ఢిల్లీ క్యాపిటల్స్‌ బిగ్‌షాక్‌.. సీజన్‌ నుంచి 4 కోట్ల ప్లేయర్‌ ఔట్

అది కూడా ఇంగ్లీష్ స్పెల్లింగ్‌ను మార్చాలనుకుంటున్నట్లు సమాచారం. ప్రస్తుతం రాయల్ ఛాలెంజర్స్‌ బెంగుళూరుగా పలుకుతున్నారు. అయితే రానున్న సీజన్‌లో రాయల్ ఛాలెంజర్స్ బెంగళూరుగా మార్చనున్నట్లు తెలుస్తోంది. తాజాగా ఆర్‌సీబీ షేర్ చేసిన ఓ వీడియోలో ఈ విషయం స్పష్టమైంది. ఈ వీడియోలో శాండల్ వుడ్ స్టార్ యాక్టర్ రిషభ్ శెట్టి.. రాయల్, ఛాలెంజర్స్, బెంగళూరు అని వేర్వేరుగా రాసిన మూడు దున్నల్లో ఒక దున్నను టచ్ చేస్తాడు.. ఆ దున్నపై బెంగుళూరు అని రాసి ఉంది. ఆ వెంటనే అర్ధమైందా అని కన్నడలో ప్రశ్నించాడు. ప్రస్తుతం ఈ వీడియో వైరల్‌గా మారింది. బెంగళూరు నగరానికి ప్రాతినిథ్యం వహిస్తున్న క్రికెటేతర ఫ్రాంచైజీలు కూడా తమ పేరులో బెంగుళూరుకు బదులు బెంగళూరు అని రాస్తున్నాయి.

మార్చి 19న బెంగళూరులోని చిన్నస్వామి స్టేడియంలో జరగనున్న అన్‌బాక్స్ ఈవెంట్‌లో ఈ పేరు మార్పుపై అధికారిక ప్రకటన వెలువడే అవకాశం ఉంది. కాగా మార్చి 22 నుంచి ఐపీఎల్ 2024 సీజన్ ప్రారంభం కానుంది. చెన్నై వేదికగా జరిగే తొలి మ్యాచ్‌లో డిఫెండింగ్ ఛాంపియన్‌ చెన్నై సూపర్ కింగ్స్‌తో రాయల్ ఛాలెంజర్స్ బెంగళూరు తలపడనుంది.