Justin Langer: లక్నో కోచ్ గా లాంగర్ కోచ్ గా అతని రికార్డులు వీర లెవెల్

ఈ సమాచారాన్ని ఫ్రాంచైజీ తమ అధికారిక ట్విట్టర్ ఖాతాలో షేర్ చేసింది. గతంలో జస్టిన్ లాంగర్ ప్రవేశంతో మొదటి రెండు సీజన్‌లకు లక్నో సూపర్‌జెయింట్స్ ప్రధాన కోచ్‌గా ఉన్న ఆండీ ఫ్లవర్ తప్పుకోవాల్సి వచ్చింది. ఆండీ ఫ్లవర్ రెండు సంవత్సరాల కాంట్రాక్ట్ కూడా ముగిసిన నేపథ్యంలో లక్నో సూపర్‌జెయింట్స్ ఆస్ట్రేలియా మాజీ బ్యాట్స్‌మెన్ జస్టిన్ లాంగర్‌ను తమ ప్రధాన కోచ్‌గా నియమించింది. 2024 ఐపీఎల్ సీజన్‌కు ముందు ఫ్రాంచైజీ తీసుకుంటున్న నిర్ణయాలను చూస్తుంటే, జట్టు మెంటార్ గౌతమ్ గంభీర్ భవిష్యత్తు సందేహాస్పదంగా మారింది. ఆయనతో పాటు ఇతర సహాయక సిబ్బంది కూడా మారే అవకాశం ఉందని తెలుస్తోంది. మే 2018లో ఆస్ట్రేలియా కోచ్‌గా నియమితులైన జస్టిన్ లాంగర్ నేతృత్వంలోని యాషెస్ సిరీస్‌లో ఆస్ట్రేలియా ఇంగ్లాండ్‌ను ఓడించింది. ఆ తర్వాత 2021లో తొలిసారి టీ20 ప్రపంచకప్‌ను గెలుచుకుంది. ఇంకా, లాంగర్ మార్గదర్శకత్వంలో పెర్త్ స్కార్చర్స్ బిగ్ బాష్ లీగ్ టైటిల్‌ను మూడుసార్లు గెలుచుకుంది. అయితే క్రికెట్ ఆస్ట్రేలియా స్వల్పకాలిక కాంట్రాక్ట్ ఆఫర్‌ను తిరస్కరించిన జస్టిన్ లాంగర్, ఐపీఎల్ ఫ్రాంచైజీ లక్నో సూపర్‌జెయింట్స్ నుంచి వచ్చిన ఆఫర్‌ను అంగీకరించాడు. ఇప్పుడు తదుపరి ఐపీఎల్ సీజన్‌లో, లక్నో సూపర్ జెయింట్స్ జట్టు జస్టిన్ లాంగర్ మార్గదర్శకత్వంలో నడవనుంది.