IPL Bumrah : బూమ్రాను దాటేసిన పంజాబ్ కింగ్స్ బౌలర్.

ఐపీఎల్ 17వ సీజన్ లో పరువు కోసం పోరాడుతున్న పంజాబ్.. రాజస్థాన్ ను వణికించింది. సీనియర్ పేసర్ హర్షల్ నిప్పులు చెరిగే బంతులతో రాజస్థాన్ బ్యాటర్లను భయపెట్టాడు. రాజస్థాన్ పై 4 ఓవర్లలో 26 పరుగులు ఇచ్చి 2 కీలక వికెట్లు పడగొట్టాడు. తద్వారా పర్పుల్ క్యాప్ సొంతం చేసుకున్నాడు. ఆ లిస్ట్ లో తన కంటే ముందున్న బుమ్రాను దాటేశాడు. ఈ మ్యాచ్ లో తీసిన రెండు వికెట్లతో ఈ సీజన్లో హర్షల్ వికెట్ల సంఖ్య 22కు చేరింది. అతడి పెర్ఫార్మెన్స్ పై నెటిజన్స్ హర్షం వ్యక్తం చేస్తున్నారు. చెత్త బౌలర్ అన్నారు.. ఇప్పుడు చూడండి బుమ్రా కంటే ఎక్కువ వికెట్లు తీశాడని కామెంట్స్ చేస్తున్నారు. కాగా ఈ మ్యాచ్ లో పంజాబ్ బౌలర్లు రాజస్థాన్ ను కేవలం 144 పరుగులకు కట్టడి చేశారు. తర్వాత కాస్త తడబడినా సామ్ కరన్ కెప్టెన్ ఇన్నింగ్స్ ఆడి పంజాబ్ కింగ్స్ ను గెలిపించాడు