గబ్బాలో పింక్ బాల్ టెస్ట్ యాషెస్ షెడ్యూల్ ఇదే

ప్రతిష్టాత్మక యాషెస్‌ సిరీస్‌ షెడ్యూల్‌ను క్రికెట్ ఆస్ట్రేలియా ప్రకటించింది. పెర్త్‌ వేదికగా వచ్చే ఏడాది నవంబరు 21 నుంచి ఇరుజట్ల మధ్య ఈ మెగా సిరీస్ మొదలుకానుంది. పింక్‌ బాల్‌తో జరిగే రెండో టెస్టుకు ఐకానిక్‌ గబ్బా స్టేడియం ఆతిథ్యం ఇవ్వనుందని ఆసీస్ బోర్డు తెలిపింది. ఆస్ట్రేలియా- ఇంగ్లండ్‌ మధ్య మూడో టెస్టుకు అడిలైడ్‌ ఓవల్‌ , బాక్సింగ్‌ డే మ్యాచ్‌కు మెల్‌బోర్న్‌ క్రికెట్‌ గ్రౌండ్‌, ఆఖరి టెస్టుకు సిడ్నీ క్రికెట్‌ గ్రౌండ్‌ వేదికలుగా నిలవనున్నాయి. కాగా యాషెస్‌ సిరీస్‌లో తొలి టెస్టుకు పెర్త్‌ ఆతిథ్యం ఇవ్వనుండటం 43 ఏళ్లలో ఇదే తొలిసారి. ఇంగ్లండ్‌ వేదికగా జరిగిన గత యాషెస్‌ సిరీస్‌ 2-2తో డ్రాగా ముగిసింది. ఇదిలా ఉంటే.. 2010 నుంచి ఇప్పటి వరకు ఆస్ట్రేలియాతో జరిగిన యాషెస్‌ సిరీస్‌లో ఇంగ్లండ్‌ ఒక్కసారి కూడా గెలవలేదు.