అఖిల్ డబుల్ ప్లానింగ్, ప్రభాస్ బ్యానర్ పై మూవీ

నిన్న మొన్న వెండి తెరకు పరిచయం అయిన వాళ్ళు కూడా తొడలు కొట్టి బాక్సాఫీస్ వద్ద సవాల్ చేస్తుంటే... అక్కినేని ఫ్యామిలీ మాత్రం ఒక్క హిట్ కోసం పిచ్చేక్కిపొతుంది.

నిన్న మొన్న వెండి తెరకు పరిచయం అయిన వాళ్ళు కూడా తొడలు కొట్టి బాక్సాఫీస్ వద్ద సవాల్ చేస్తుంటే… అక్కినేని ఫ్యామిలీ మాత్రం ఒక్క హిట్ కోసం పిచ్చేక్కిపొతుంది. ఫ్యామిలీ నుంచి అయిదుగురు హీరోలున్నా డిజాస్టర్లతోనే సినిమాలు చేయడం ఫ్యాన్స్ కు తిక్క రేగుతుంది. సీనియర్ హీరోలు నాగార్జున, సుమంత్ అసలు తాము హీరోలం అనే విషయం ఎప్పుడో మర్చిపోయారు. నాగ చైతన్య, అఖిల్, సుశాంత్ అయితే అసలు సినిమాలు చేస్తున్నారనేది క్లారిటీ ఉంది గాని ఎప్పుడు రిలీజ్ అవుతున్నాయో, ఎప్పుడు క్లోజ్ అవుతున్నాయో ఫ్యాన్స్ కే క్లారిటీ లేదు.

తేజ సజ్జ, అడవి శేష్, విశ్వక్సేన్, సిద్దు జొన్నలగడ్డ లాంటి హీరోలు ఓ టార్గెట్ తో బాక్సీఫీస్ పై తమ కేలిబర్ ఏంటో ప్రూవ్ చేసుకోవడానికి రెడీ అవుతోంటే అక్కినేని హీరోలకు మాత్రం సీన్ సితార్ అవుతోంది. నాగార్జున యాంకర్ అయిపోతే… సుమంత్ సైడ్ క్యారెక్టర్లు చేస్తూ అప్పుడప్పుడు మేకప్ వేస్తున్నారు. నాగ చైతన్యకు సరైన హిట్ పడటం లేదు. అఖిల్ అయితే అసలు హిట్ టేస్ట్ ఎలా ఉంటుందో చూడలేకపోయాడు. ఏ రేంజ్ లో సినిమా ప్లాన్ చేసినా డిజాస్టర్ టాక్ తో ఎండ్ అయిపోతుంది. ఇప్పుడు డైరెక్టర్లు కూడా అఖిల్ కోసం కథలు రాయలేక సైడ్ అయిపోతున్నారు.

నిర్మాతలు అయితే ముందుకు వచ్చే సీన్ ఏ యాంగిల్ లో కూడా కనపడటం లేదు అనేది ఫ్యాన్స్ ఆవేదన. ఇక ఇప్పుడు రెండు సినిమాలకు అఖిల్ రెడీ అవుతున్నాడు అంటున్నారు సినీ జనాలు. ఈసారి మాత్రం కొత్త డైరెక్టర్ తో సినిమా ప్లాన్ చేస్తున్నాడట ఈ అక్కినేని వారసుడు. అనీల్ కుమార్ అనే ఒక కొత్త డైరెక్టర్ చెప్పిన కథ బాగా నచ్చిందట. అక్కినేని నాగార్జున కూడా కథ విషయంలో ఎక్సైట్ అయ్యారట. అందుకే ఇప్పుడు అఖిల్ ఆ సినిమాను లైన్ లో పెట్టేసాడు. ఈ సినిమాను యూవీ క్రియేషన్స్ బ్యానర్ లో చేస్తున్నాడు అని టాక్.

అలాగే వినరో భాగ్యము విష్ణు కథ డైరెక్టర్ మురళీ కిషోర్ డైరెక్షన్ లో మరో సినిమాకు ఓకే చెప్పాడట. ఈ సినిమాను సొంత బ్యానర్ అన్నపూర్ణ స్టూడియోస్ నిర్మిస్తున్నట్టు టాక్. మరోవైపు పూరితో కూడా ఓ సినిమాను అఖిల్ ప్లాన్ చేసినట్టు టాక్. దీనిపై ఇంకా క్లియర్ పిక్చర్ లేదు గాని జనాలు మాత్రం ఈ విషయంలో కాస్త ఇంట్రస్టింగ్ న్యూస్ కోసం ఎదురు చూస్తున్నారు. పూరి ఇప్పటికే హిట్స్ లేక ఇబ్బంది పడుతున్నాడు. మరి అఖిల్ కోసం ఏ కథ రాసాడో క్లారిటీ లేదు. అటు గోపిచంద్ తో కూడా పూరి ప్లాన్ చేస్తున్నాడని ఫిలిం నగర్ సర్కిల్స్ లో న్యూస్ చక్కర్లు కొడుతోంది.