అమితాబ్ ఉంటే వెయ్యి కోట్లు

ఇప్పుడు మన సౌత్ సినిమాల్లో బిగ్ బీ అమితాబచ్చన్ హవా చూసి బాలీవుడ్ కూడా షాక్ అవుతోంది. లేటు వయసులో అమితాబ్ క్రేజ్ చూసి అక్కడి సీనియర్ హీరోలు కూడా షాక్ అవుతున్నారు. బాలీవుడ్ కంటే అమితాబ్ ఇప్పుడు సౌత్ భాషల మీద ఎక్కువగా ఫోకస్ చేయడం చూసి ఇక్కడి హీరోలు కూడా ముక్కున వేలేసుకునే పరిస్థితి

ఇప్పుడు మన సౌత్ సినిమాల్లో బిగ్ బీ అమితాబచ్చన్ హవా చూసి బాలీవుడ్ కూడా షాక్ అవుతోంది. లేటు వయసులో అమితాబ్ క్రేజ్ చూసి అక్కడి సీనియర్ హీరోలు కూడా షాక్ అవుతున్నారు. బాలీవుడ్ కంటే అమితాబ్ ఇప్పుడు సౌత్ భాషల మీద ఎక్కువగా ఫోకస్ చేయడం చూసి ఇక్కడి హీరోలు కూడా ముక్కున వేలేసుకునే పరిస్థితి వచ్చింది. అమితాబ్ ఉంటే చాలు సినిమా వెయ్యి కోట్లు అనే లెక్కలు వేసుకుంటున్నారు ఇక్కడి జనాలు. ఎస్ ఇప్పుడు డైరెక్టర్ల ప్లానింగ్ చూస్తే అదే నిజం అనిపిస్తోంది.

8 పదుల వయసులో కూడా అమితాబ్ చేస్తున్న సినిమాలు చూసి యువ హీరోలు కూడా షాక్ అవ్వడం గమనార్హం. ముఖ్యంగా సౌత్ భాషల్లో కమర్షియల్ సినిమాలకు అమితాబ్ ఇప్పుడు మెయిన్ అవుతున్నారు. ప్రభాస్ సినిమా అయినా రజనీ కాంత్ సినిమా అయినా ఎన్టీఆర్ సినిమా అయినా కూడా అమితాబ్ ఉండాల్సిందే అన్నట్టుగా పరిస్థితి మారింది. కల్కీ సినిమాలో అమితాబ్ కు కీ రోల్ ఇచ్చారు. ప్రభాస్ కంటే ఆయనకే ఎక్కువగా ఉంది స్క్రీన్ ప్రేజేన్స్. ఇది చూసి ప్రభాస్ ఫ్యాన్స్ కూడా కాస్త హర్ట్ అయ్యారు.

ఇక అమితాబ్ కు ఇచ్చిన ఎలివేషన్ చూసి బాలీవుడ్ జనాలు ఖుషీ అయ్యారు. ఆ రేంజ్ లో ఇప్పటి వరకు అమితాబ్ ను అక్కడి జనాలు కూడా చూపించలేదు అనే మాట వాస్తవం. ఇక రజనీ కాంత్ హీరోగా వచ్చిన వేట్టాయన్ సినిమాలో కూడా అమితాబ్ ది కీ రోల్. ఆ సినిమాలో కూడా ఆయన రేంజ్ కు తగ్గ పాత్ర ఇచ్చారనే టాక్ ఉంది. ఇక భవిష్యత్తులో కూడా అమితాబ్ చేతిలో మంచి ప్రాజెక్ట్ లు ఉన్నాయనే అర్ధమవుతోంది. ప్రభాస్ హీరోగా వస్తున్న స్పిరిట్ సినిమాలో కూడా ఆయనకు మంచి రోల్ ఇస్తున్నాడు సందీప్ రెడ్డి వంగా.

అలాగే ఎన్టీఆర్, ప్రశాంత్ నీల్ సినిమాలో కూడా అమితాబ్ కీ రోల్ పోషిస్తున్నారు. ఇక చిరంజీవి విశ్వంభర సినిమాలో కూడా ఆయన పాత్ర ఉంటుందని టాక్. అటు బాలకృష్ణ హీరోగా వస్తున్న అఖండ సీక్వెల్ లో కూడా అమితాబ్ కు మంచి రోల్… బోయపాటి ప్లాన్ చేస్తున్నట్టుగా తెలుస్తోంది. ఇలా అమితాబ్ హవా ఓ రేంజ్ లో నడుస్తోంది మన సౌత్ లో. ఇక కూలీ సినిమాలో కూడా అమితాబ్ కు మెయిన్ రోల్ ఉంటుందని టాక్. ఇక అమితాబ్ ఎంత డిమాండ్ చేసినా మన నిర్మాతలు కూడా నో చెప్పడం లేదు. బాలీవుడ్ మార్కెట్ కి అమితాబ్ ప్లస్ కావడంతో ఆయనకు ఎక్కువే ఇస్తున్నారు.