ఆగని డాకూ రచ్చ.. 15వ రోజు బాక్సాఫీస్ ను షేక్ చేసేసాడు

గాడ్ ఆఫ్ మాసేస్ నందమూరి బాలకృష్ణ హీరోగా వచ్చిన డాకూ మహారాజ్ సినిమా దుమ్ము రేపుతోంది. బాక్సాఫీస్ వద్ద కలెక్షన్స్ సునామీ సృష్టిస్తూనే ఉంది. సంక్రాంతి కానుకగా

గాడ్ ఆఫ్ మాసేస్ నందమూరి బాలకృష్ణ హీరోగా వచ్చిన డాకూ మహారాజ్ సినిమా దుమ్ము రేపుతోంది. బాక్సాఫీస్ వద్ద కలెక్షన్స్ సునామీ సృష్టిస్తూనే ఉంది. సంక్రాంతి కానుకగా రిలీజ్ అయిన ఈ సినిమా బ్లాక్ బాస్టర్ టాక్ తెచ్చుకోవడంతో భారీగా కలెక్షన్స్ వస్తున్నాయి. యంగ్ డైరెక్టర్ బాబి కొల్లి డైరెక్షన్లో వచ్చిన ఈ సినిమా జనవరి 12న ప్రేక్షకుల ముందుకు వచ్చింది. బాలయ్య బాబు మాస్ యాక్షన్ చూసి అభిమానులతో పాటుగా ఆడియన్స్ కూడా ఎంజాయ్ చేస్తున్నారు. తెలుగులో జనవరి 12న వచ్చిన ఈ సినిమా సూపర్ రెస్పాన్స్ తో పలు రికార్డులను బ్రేక్ చేస్తుంది.

నందమూరి బాలకృష్ణ కెరియర్ లోనే 200 కోట్ల కలెక్షన్లు సాధించిన సినిమాగా డాకూ మహారాజ్ రికార్డు క్రియేట్ చేసింది. ఒక బలమైన కుటుంబం అణిచివేత నుంచి ఒక గ్రామాన్ని రక్షించడానికి ఆ గ్రామానికి నీటి సదుపాయాన్ని కల్పించడానికి ఒక్క గవర్నమెంట్ ఆఫీసర్ డేకాయిట్ గా ఏ విధంగా మారాడు అన్నది ఈ సినిమా కథ. వన్ మ్యాన్ షో తో బాలయ్య థియేటర్లలో ఆడియన్స్ చేత ఈలలు వేయిస్తున్నారు. 15వ రోజు కూడా కలెక్షన్స్ పరంగా డాకూ మహారాజ్ దుమ్మురేపింది. వీకెండ్ లో 15వ రోజు కోటికి పైగా వసూళ్లు రాబట్టి రికార్డులు బ్రేక్ చేసింది ఈ సినిమా.

ఈ సినిమాకు యంగ్ మ్యూజిక్ డైరెక్టర్ తమన్ అందించిన మ్యూజిక్ హైలెట్ గా నిలిచింది. థియేటర్లలో స్పీకర్లు కూడా కాలిపోయాయని ఫ్యాన్స్ వీడియోలు పోస్ట్ చేస్తూ ఎంజాయ్ చేస్తున్నారు. ప్రస్తుతం బాలకృష్ణ అఖండ సీక్వెల్ తో బిజీగా ఉన్నారు. ఈ సినిమా షూటింగ్ ప్రస్తుతం హైదరాబాదులో జరుగుతుంది. త్వరలో విజయవాడలో షూటింగ్ స్టార్ట్ చేయనున్నారు. డాకు మహారాజ్ కోసం రెండేళ్లు కష్టపడిన బాలయ్య ఇప్పుడు ఆ సినిమా సక్సెస్ ను కంప్లీట్ గా ఎంజాయ్ చేస్తున్నారు. ఎలక్షన్స్ తర్వాత రిలీజ్ అయిన సినిమా కావడంతో బాలయ్య ఫుల్ జోష్లో కనపడుతున్నారు.

ఇక లేటెస్ట్ గా బాలయ్యకు కేంద్ర ప్రభుత్వం పద్మ అవార్డు కూడా అనౌన్స్ చేసింది. ఒకవైపు డాకు మహారాజు సినిమా హిట్ కావడం మరోవైపు పద్మ అవార్డు రావడంతో బాలయ్య ఫ్యాన్స్ పండగ చేసుకుంటున్నారు. జూనియర్ ఎన్టీఆర్ కూడా బాలయ్యను పద్మ అవార్డు రావడం పై విష్ చేసిన సంగతి తెలిసిందే. ఇక డాకు మహారాజ్ తమిళం అలాగే హిందీలో కూడా రిలీజ్ అయి దుమ్మురేపుతుంది. తమిళంలో ఇప్పటికే హిట్ టాక్ తెచ్చుకుంది. అటు హిందీలో కూడా ఈ సినిమాకు మంచి రెస్పాన్స్ వస్తోంది. అఖండ సినిమా తర్వాత బాలయ్యకు నార్త్ ఇండియాలో మంచి క్రేజ్ పెరిగింది. ఈ క్రేజ్ ను డాకు మహారాజ్ మేకర్స్ గట్టిగానే వాడుకుంటున్నారు.