తమిళంలో భగవంత్ కేసరి రీమేక్, హీరో అతనే…?

స్టార్ డైరెక్టర్ అనీల్ రావిపూడి దర్శకత్వంలో నట సింహం నందమూరి బాలకృష్ణ హీరోగా వచ్చిన భగవంత్ కేసరి సినిమా సూపర్ హిట్ అయిన సంగతి తెలిసిందే. ఈ సినిమా కథ కూడా కాస్త భిన్నంగా ఉండటం, బాలయ్య వయసుకు తగ్గ రోల్ చేయడం సినిమాకు బాగా ప్లస్ అయింది.

స్టార్ డైరెక్టర్ అనీల్ రావిపూడి దర్శకత్వంలో నట సింహం నందమూరి బాలకృష్ణ హీరోగా వచ్చిన భగవంత్ కేసరి సినిమా సూపర్ హిట్ అయిన సంగతి తెలిసిందే. ఈ సినిమా కథ కూడా కాస్త భిన్నంగా ఉండటం, బాలయ్య వయసుకు తగ్గ రోల్ చేయడం సినిమాకు బాగా ప్లస్ అయింది. ఇక ఈ సినిమాలో బాలయ్య కూతురుగా నటించిన… శ్రీలీల కూడా చాలా బాగా నటించింది అనే టాక్ వచ్చింది. వసూళ్లు కూడా ఈ సినిమాకు బాగానే వచ్చాయి. కథ కూడా కాస్త డిఫరెంట్ గా ఉండటంతో సినిమా అన్ని వర్గాల ప్రేక్షకులకు బాగా దగ్గరైంది అనే చెప్పాలి.

ఇప్పుడు ఈ సినిమా మీద తమిళ జనాలు ఫోకస్ పెట్టారు. తమిళ వాళ్లకు సినిమా బాగా నచ్చేసిందట. అందుకే ఇప్పుడు అక్కడ రీమేక్ చేయాలని ప్లాన్ చేస్తున్నారు. అక్కడ కూడా అనీల్ రావిపూడి డైరెక్ట్ చేసే అవకాశం ఉందని టాక్. లైకా ప్రొడక్షన్స్ బ్యానర్ లో అక్కడ విజయ్ సేతుపతి హీరోగా ఈ సినిమాను తీసుకు రావాలని ప్లాన్ చేస్తున్నట్టుగా తెలుస్తోంది. కథ నచ్చడంతో రీమేక్ చేసేందుకు లైకా ప్రొడక్షన్స్ ముందుకు వచ్చింది. ముందు విజయ్ దళపతి ఈ సినిమా చేయాలనుకున్నాడనే వార్తలు వచ్చాయి.

కాని విజయ్ అయితే బడ్జెట్ ఎక్కువ కావడం, రాజకీయాల మీద విజయ్ ఫోకస్ ఎక్కువగా ఉండటంతో లైకా ప్రొడక్షన్స్ విజయ్ సేతుపతి మీద దృష్టి పెట్టిందట. ఇక శ్రీలీల స్థానంలో… మమితా బైజు నటించే అవకాశం ఉందని టాక్. ఇప్పటికే ఇద్దరూ ఈ సినిమాను స్వయంగా చూసారట. అన్నీ అనుకున్నట్టు జరిగితే వచ్చే ఏడాది మొదలుపెట్టి వచ్చే ఏడాదే విడుదల చేయాలని భావిస్తోంది నిర్మాణ సంస్థ. విజయ్ సేతుపతి అయితే సరిగా సరిపోతాడని బాలయ్య ఫ్యాన్స్ కూడా అంటున్నారు. బడ్జెట్ ఎక్కువ కాకుండా తక్కువగానే ప్లాన్ చేస్తున్నారట.

ఇక కన్నడంలో కూడా ఈ సినిమాను విడుదల చేయాలని భావించినట్టుగా వార్తలు వచ్చాయి. శివ రాజ్ కుమార్ ఈ సినిమాను అక్కడ చేసే అవకాశం ఉందని ప్రచారం జరిగింది. కాని అది ముందుకు వెళ్ళలేదు. ఏది ఎలా ఇప్పుడు భగవంత్ కేసరి రీమేక్ చేయాలనుకోవడం చూసి బాలయ్య ఫ్యాన్స్ ఖుషీ అవుతున్నారు. సౌత్ సినిమాలు అన్నీ ఇప్పుడు మార్కెట్ కోసం ఇతర భాషల మీద డిపెండ్ అవుతున్న సంగతి తెలిసిందే. గతంలో కూడా మన తెలుగు సినిమాలను తమిళ హీరోలు రీమేక్ చేసి హిట్స్ కొట్టారు. మరి భగవంత్ కేసరి సినిమాతో విజయ్ సేతుపతి హిట్ కొడతాడా లేదా చూడాలి.