బాబీతో సినిమా చేస్తే పద్మ అవార్డ్ గ్యారెంటీ.. 24 లో చిరంజీవి 25 లో బాలయ్య

గాడ్ ఆఫ్ మాసెస్ నందమూరి బాలకృష్ణ కు పద్మభూషణ్ అవార్డు రావడం అలాగే ఆయన నటించిన డాకు మహారాజ్ సినిమా సూపర్ హిట్ కావడంతో నందమూరి అభిమానులు ఫుల్ జోష్లో ఉన్నారు.

గాడ్ ఆఫ్ మాసెస్ నందమూరి బాలకృష్ణ కు పద్మభూషణ్ అవార్డు రావడం అలాగే ఆయన నటించిన డాకు మహారాజ్ సినిమా సూపర్ హిట్ కావడంతో నందమూరి అభిమానులు ఫుల్ జోష్లో ఉన్నారు. బాలయ్యకు గత మూడు నాలుగేళ్ల నుంచి పట్టిందల్లా బంగారమే అవుతుంది. అఖండ సినిమా తర్వాత బాలయ్య హిట్ ట్రాక్ లోకి అడుగు పెట్టారు. ఆ తర్వాత నుంచి చేస్తున్న ప్రతి సినిమా సూపర్ హిట్ అయింది. రికార్డులను బ్రేక్ చేస్తూ దుమ్ము రేపుతున్నాయి ఆయన సినిమాలు. ఇక ఆహాలో ప్రసారమవుతున్న అన్ స్టాపబుల్ అనే షో తో బాలయ్య సెన్సేషన్ క్రియేట్ చేస్తున్నారు.

సెలబ్రెటీ టాక్ షో గా మోస్ట్ పవర్ఫుల్ షో గా అన్ స్టాపబుల్ రికార్డులను క్రియేట్ చేస్తుంది. దీనితో ఆహా యాజమాన్యానికి కాసుల పంట పండుతుంది. ఇక రీసెంట్ గా వచ్చిన డాకు మహారాజ్ సినిమా అనఫిషియల్ గా దాదాపు 200 కోట్లకు పైగానే వసూలు చేసింది. అయితే ఐటీ దాడుల భయంతో మూవీ మేకర్స్ ఈ సినిమా కలెక్షన్స్ పై పెద్దగా ఎనౌన్స్మెంట్లు చేయడం లేదు. ఇక దేశంలో మూడవ అత్యున్నత పురస్కారం పద్మభూషణ్ బాలయ్యకు రావడంతో నందమూరి అభిమానులు బాలయ్యను ఆకాశానికి ఎత్తేస్తున్నారు.

గత ఏడాది జరిగిన అసెంబ్లీ ఎన్నికల్లో వరుసగా మూడోసారి హిందూపురం నియోజకవర్గం నుంచి బాలయ్య గెలిచారు. హ్యాట్రిక్ విజయంతో బాలయ్య దుమ్మురేపారు. ఇక ఇప్పుడు పద్మ అవార్డు రావడంతో అభిమానుల ఆనందానికి ఆకాశమే హద్దయింది. అయితే ఇక్కడ ఒక ఇంట్రెస్టింగ్ విషయం ఉంది. అదే డైరెక్టర్ బాబి తో సినిమా. అవును డైరెక్టర్ బాబి తో సినిమా చేసిన చిరంజీవి… బాలయ్య ఇద్దరు పద్మ అవార్డులు అందుకున్నారు. 2023 సంక్రాంతి కానుకగా బాలయ్య వీర సింహారెడ్డి సినిమా రిలీజ్ చేస్తే అదే టైంలో బాబి కొల్లి డైరెక్షన్లో వాల్తేరు వీరయ్య అనే సినిమాను చిరంజీవి రిలీజ్ చేశారు.

ఆ సినిమా సూపర్ హిట్ అయింది. ఆ సినిమాలో రవితేజ కూడా గెస్ట్ రోల్ లో నటించారు. ఆ మరుసటి ఏడాది అంటే 2024 జనవరిలో రిపబ్లిక్ డే సందర్భంగా అనౌన్స్ చేసిన పద్మ అవార్డులలో చిరంజీవి పేరు కూడా ఉంది. 2006 లోనే పద్మభూషణ్ అవార్డు సొంతం చేసుకున్న చిరంజీవి 24లో దేశంలో రెండో అత్యున్నత పురస్కారం పద్మ విభూషణ్ కు ఎంపికయ్యారు. ఇక బాలయ్య కూడా బాబి కొల్లి డైరెక్షన్ లో డాకు మహారాజ్ సినిమా చేసి సూపర్ హిట్ కొట్టి ఈ ఏడాది పద్మ అవార్డుకు ఎంపిక అయ్యారు. ఇలా బాబీతో సినిమా చేసిన ఇద్దరు సీనియర్ స్టార్ హీరోలు పద్మ అవార్డులకు ఎంపిక కావడం తో టాలీవుడ్ లో బాబి హాట్ టాపిక్ అవుతున్నాడు. నెక్స్ట్ ఇయర్ బాబి… విక్టరీ వెంకటేష్ తో సంక్రాంతికి సినిమా చేయాలని ఆ సినిమా తర్వాత వెంకటేష్ కూడా పద్మా అవార్డు వస్తుందని కొంతమంది సెటైర్లు వేస్తున్నారు.