లేటు వయసులో రెబల్ స్టార్ తో బాలీవుడ్ హీరోయిన్ స్టెప్పులు

ఇప్పుడు సినిమాల్లో ముసలి హీరోయిన్ల హవా ఎక్కువైంది. ఐటెం సాంగ్ లేదా స్పెషల్ సాంగ్స్ పేరుతో మాజీ హీరోయిన్లు పెద్ద ఎత్తున సందడి చేయడం మొదలుపెట్టారు. అగ్ర హీరోల సినిమాల్లో వాళ్లకు భారీగా ఆఫర్ చేస్తున్నారు నిర్మాతలు కూడా.

ఇప్పుడు సినిమాల్లో ముసలి హీరోయిన్ల హవా ఎక్కువైంది. ఐటెం సాంగ్ లేదా స్పెషల్ సాంగ్స్ పేరుతో మాజీ హీరోయిన్లు పెద్ద ఎత్తున సందడి చేయడం మొదలుపెట్టారు. అగ్ర హీరోల సినిమాల్లో వాళ్లకు భారీగా ఆఫర్ చేస్తున్నారు నిర్మాతలు కూడా. తాజాగా రజనీ కాంత్ హీరోగా వచ్చిన వేట్టాయన్ సినిమాలో మలయాళ హీరోయిన్ మంజూ వారియర్ వేసిన స్టేప్పులకు కుర్రకారు ఫిదా అయిపోయారు. 45 ఏళ్ళ వయసులో ఆమె గ్రేస్ చూసి షాక్ అయ్యారు. ఇక ఆమె గ్లామర్ కూడా ఏ మాత్రం తగ్గలేదు అంటూ కామెంట్స్ వచ్చాయి.

ఇప్పుడు ఇదే ట్రెండ్ ని వేరే దర్శకులు కూడా ఫాలో కావడం మొదలుపెట్టారనే టాక్ వస్తోంది. స్టార్ హీరోల సినిమాల్లో స్టెప్స్ వేయించడానికి సీనియర్ హీరోయిన్లతో చర్చలు జరుపుతున్నారు. అల్లు అర్జున్ సినిమాలో చిరంజీవితో కలిసి చేసిన మీనాక్షి శేషాద్రితో స్టెప్స్ వేయించాలని భావిస్తున్నట్టు వార్తలు వచ్చాయి. పుష్ప 2 లో ఈ సాంగ్ ఉంటుందనే ప్రచారం కూడా జరిగింది. ఇక ఎన్టీఆర్, ప్రశాంత్ నీల్ సినిమాలో కూడా ఇదే ప్రచారం జరుగుతోంది. బాలీవుడ్ మాజీ హీరోయిన్ తో స్టెప్స్ వేయించడానికి ప్రశాంత్ నీల్ రెడీ అయ్యాడని టాక్ వస్తోంది.

ఇక ఇప్పుడు ప్రభాస్ హీరోగా వస్తున్న స్పిరిట్ సినిమాలో కూడా సందీప్ రెడ్డి వంగా గ్రాండ్ గా ప్లాన్ చేస్తున్నట్టు తెలుస్తోంది. మాధురి దీక్షిత్ తో ఓ సాంగ్ ప్లాన్ చేస్తున్నట్టుగా టాక్ వస్తోంది. మాధురి కూడా దీనికి గ్రీన్ సిగ్నల్ ఇచ్చారని అందుకు గాను ఆమెకు రెండు కోట్లు ఆఫర్ చేసారని సమాచారం. ఇక ప్రభాస్ కూడా ఓకే చెప్పినట్టుగా సమాచారం. బాలీవుడ్ హీరోల సినిమాల్లో అప్పుడప్పుడు ఆమె స్పెషల్ సాంగ్స్ చేసిన సంగతి తెలిసిందే. ఇప్పుడు ప్రభాస్ సినిమా అనగానే మాధురి గ్రీన్ సిగ్నల్ ఇచ్చింది.

కచ్చితంగా ఈ సాంగ్ సినిమాకు హైలెట్ అవుతుందని, స్పెషల్ గా సాంగ్ ని ప్లాన్ చేసారని అంటున్నారు జనాలు. ఇక స్పిరిట్ సినిమాను సందీప్ రెడ్డి వంగా ఓ రేంజ్ లో ప్లాన్ చేస్తున్నట్టుగా టాక్. ఈ సినిమా వచ్చే ఏడాది విడుదల అయ్యే అవకాశం ఉండవచ్చు. ఈ సినిమా కోసం అల్లు అర్జున్ ప్రాజెక్ట్ ని కూడా సందీప్ రెడ్డి పక్కన పెట్టడం గమనార్హం. ఇక ఇందులో ప్రభాస్ డ్యూయల్ రోల్ చేసే ఛాన్స్ ఉందనే టాక్ కూడా వస్తోంది. ఇక విలన్ గా హాలీవుడ్ యాక్టర్ ను తీసుకుంటుంది చిత్ర యూనిట్.