హైదరాబాద్ లో ల్యాండ్ అవుతున్న హిందీ భామలు

బాలీవుడ్ లో ఇప్పుడు టాలీవుడ్ ఫీవర్ పీక్స్ లో ఉంది. ఒకప్పుడు సినిమాలు అంటే మావి అని రెచ్చిపోయిన వాళ్లకు టాలీవుడ్ దెబ్బకు చుక్కలు కనపడుతున్నాయి. ఇప్పుడు ఏ సినిమా టాలీవుడ్ నుంచి రిలీజ్ అవుతుందో అని ఏ రికార్డులు బద్దలు కొడుతుందో అని బాలీవుడ్ కంగారు పడుతోంది.

బాలీవుడ్ లో ఇప్పుడు టాలీవుడ్ ఫీవర్ పీక్స్ లో ఉంది. ఒకప్పుడు సినిమాలు అంటే మావి అని రెచ్చిపోయిన వాళ్లకు టాలీవుడ్ దెబ్బకు చుక్కలు కనపడుతున్నాయి. ఇప్పుడు ఏ సినిమా టాలీవుడ్ నుంచి రిలీజ్ అవుతుందో అని ఏ రికార్డులు బద్దలు కొడుతుందో అని బాలీవుడ్ కంగారు పడుతోంది. టాలీవుడ్ కు వంద కోట్ల టార్గెట్ పెట్టి కాలర్లు ఎగరేసిన అక్కడి హీరోలకు… వెయ్యి కోట్ల టార్గెట్ పెట్టి మన హీరోలు తొడలు కొట్టారు. ఇప్పుడు ఒక్కో టార్గెట్ కు వాళ్లకు దిమ్మ తిరుగుతోంది. ఎప్పుడు ఏం జరుగుతుందో అర్ధం కాక భయపడుతున్నారు.

ఇక అక్కడి హీరోయిన్లు కూడా టాలీవుడ్ లో పాగా వేయడానికి ప్రయత్నాలు మొదలుపెట్టారు. తమ హీరోలకు అంత సీన్ లేదు అనుకున్నారో ఏమో గాని… ఇప్పుడు టాలీవుడ్ కోసం ఎదురు చూడటం మొదలుపెట్టారు. శ్రద్దా కపూర్, దీపికా, మృణాల్ ఠాకూర్ ఇలా ఒక్కొక్కరు టాలీవుడ్ జపం చేస్తున్నారు. సాహో సినిమాతో శ్రద్దా కపూర్ టాలీవుడ్ లో అడుగు పెట్టింది. ఇప్పటికీ ఆమెకు క్రేజ్ అలాగే ఉంది. ఇక కల్కి సినిమాతో యువ హీరోయిన్ దిశా పటాని అడుగు పెట్టింది. ఆమె హవా కూడా స్లో గా స్టార్ట్ అవుతోంది.

ఇక శ్రద్దా కపూర్ అయితే ఇక్కడి హీరోల సినిమాల్లో ఐటెం సాంగ్స్ కూడా చేయడానికి రెడీ అంటోంది. తాజాగా అల్లు అర్జున్ సినిమా పుష్ప 2 లో ఐటెం సాంగ్ చేయడానికి ఆమెను తీసుకున్నారు. ఆమె ఇక్కడ పెద్దగా డిమాండ్ కూడా చేయలేదని టాక్. కల్కీ సినిమాతో దిశా పటాని ఇక్కడ బిజీ అయ్యే ప్రయత్నం చేస్తోంది. ఎన్టీఆర్, ప్రశాంత్ నీల్ సినిమాలో ఆమెకు ఛాన్స్ అంటూ ముందు వార్తలు వచ్చాయి. ఇప్పుడు మహేష్ బాబు, రాజమౌళి సినిమాలో ఛాన్స్ అంటూ ప్రచారం జరుగుతోంది. ఒకప్పుడు బాలీవుడ్ హీరోయిన్లను తీసుకోవాలంటే భయపడేవారు.

కాని ఇప్పుడు వాళ్ళే ఇక్కడ సినిమాలు చేస్తాం అని ముందుకు రావడం చూసి షాక్ అవుతున్నారు. దేవర సినిమాతో జాన్వీ కపూర్ ఇక్కడ అడుగుపెట్టింది. వెంటనే రామ్ చరణ్, బుచ్చిబాబు సినిమాలో ఆఫర్ కొట్టేసింది. తర్వాత అల్లు అర్జున్ తో కూడా ఓ సినిమాలో చేసే ఛాన్స్ కనపడుతోంది. ఇప్పటికే మృణాల్ కు మన తెలుగులో ఫ్యాన్ ఫాలోయింగ్ కూడా ఉంది. ఇక్కడ వరుస సినిమాలు చేసేస్తోంది. ఇక టాలీవుడ్ హీరోయిన్ రష్మికకు… యానిమల్ సినిమాతో బాలీవుడ్ లో ఆఫర్లు క్యూ కడుతున్నాయి. ఇలా మన సౌత్ లో ఆఫర్స్ కోసం బాలీవుడ్ హీరోయిన్లు ట్రై చేయడం టాక్ ఆఫ్ ది టౌన్.