అమితాబ్ కోసం దేవర2 లో మార్పులు..? ఇక మాస్ జాతరే..

మ్యాన్ ఆఫ్ మాసెస్ ఎన్టీఆర్ వార్ 2 తర్వాత డ్రాగన్ షూటింగ్ తోనే బిజీ అవుతాడని తేలిపోయింది. షెడ్యూల్ కూడా కన్ఫామ్ అయ్యింది. కట్ చేస్తే ఇంతలో దేవర నుంచి అప్ డేట్ వచ్చేసింది. ఏకంగా సీన్ లోకి బాలీవుడ్ మెగా స్టార్ అమితాబ్ నే దించుతున్నారు. కొరటాల శివ నిజంగానే ఈ విషయంలో చాలా పెద్ద స్టెప్ తీసుకున్నాడు.

మ్యాన్ ఆఫ్ మాసెస్ ఎన్టీఆర్ వార్ 2 తర్వాత డ్రాగన్ షూటింగ్ తోనే బిజీ అవుతాడని తేలిపోయింది. షెడ్యూల్ కూడా కన్ఫామ్ అయ్యింది. కట్ చేస్తే ఇంతలో దేవర నుంచి అప్ డేట్ వచ్చేసింది. ఏకంగా సీన్ లోకి బాలీవుడ్ మెగా స్టార్ అమితాబ్ నే దించుతున్నారు. కొరటాల శివ నిజంగానే ఈ విషయంలో చాలా పెద్ద స్టెప్ తీసుకున్నాడు. ఓరకంగా ఇది తనకి చాలా పెద్ద అచీవ్ మెంట్. ఇంతకి అమితాబ్ ని ఇందులో ఏ పాత్రకోసం తీసుకుంటున్నారు? తనకోసమే ఎందుకు కథని చాలా వరకు మార్చాల్సి వస్తోందన్న ప్రచారం పెరిగింది. ఏకంగా 12 మంది కొత్త అసిస్టెంట్ రైటర్లని తీసుకున్న కొరటాల శివ, దేవర 2 స్క్రీప్ట్ లో చాలా మార్పులు చేస్తున్నాడట. ఆల్రెడీ ఎప్పుడో రెడీ అయిన దేవర 2 కథని ఇప్పడు కొత్తగా మార్చడానికి రీజన్ ఏంటి? అసలు అమితాబ్ బచ్చన్ ని ఇందులోకి తీసుకోవాలన్న ఐడియా ఎవరిది? టేకేలుక్.

దేవర2 ప్రాజెక్ట్ లో కదలికి రావటం కాదు, వేగం పెరిగినట్టుంది. ఏదో పూనకాలొచ్చినట్టు కొరటాల శివ సడన్ గా దేవర2 పనులు మొదలు పెట్టాడు. వేగం పెంచాడు. మ్యాన్ ఆఫ్ మాసెస్ ఎన్టీఆర్ వార్ 2 షూటింగ్ వచ్చే నెల రెండో వారంలోగా పూర్తి చేసి, పూర్తిగా డ్రాగన్ ప్రాజెక్ట్ తోనే బిజీ అయ్యేలా ఉన్నాడు. జూన్ లోగా డ్రాగన్ టాకీ పార్ట్ ని, ఆగస్ట్ లోగా యాక్షన్ పార్ట్ ని పూర్తిచేసే పనిలో ఉన్నాడు ప్రశాంత్ నీల్.

అయితే దేవరని ఎట్టి పరిస్థితుల్లో ఏప్రిల్ లేదంటే జూన్ లో మొదలు పెట్టేందుకు కొరటాల శివ సిద్ధమయ్యాడు. అంత అర్జెంట్ గా ఎందుకు మొదలు పెట్టాలంటే, కారణం బాలీవుడ్ మెగాస్టార్ అమితాబచ్చనే. తను దేవర2 లో స్పెషల్ రోల్ వేసేందుకు ఆల్ మోస్ట్ గ్రీన్ సిగ్నల్ ఇచ్చాడట. ఇంకా ప్రాజెక్ట్ మీద సైన్ చేయలేదు. కేవలంట స్టోరీ లైన్ నచ్చి, తన పాత్రను మెచ్చి ఓకే చేశాడట.

నిజానికి మ్యాన్ ఆఫ్ మాసెస్ ఎన్టీఆరే ఓ పాత్రకి అమితాబ్ ని తీసుకుంటే ఎలా ఉంటుందని సలహా ఇవ్వటంతో, అమితాబ్ కి కథని చెప్పాడట కొరటాల శివ. ఐతే దేవర2 కథ ఎప్పుడో రాసిన కొరటాల శివ, అమితాబ్ పాత్ర కోసం కథని రీవ్రైట్ చేసే పనిలో ఉన్నాడు. సో కథలో మార్పులు చేర్పులు చేసి, మరోసారి అమితాబ్ కి వినిపించి తన కాల్ షీట్స్ పట్టేస్తే ఇక షూటింగ్ మొదలవ్వొచ్చని తెలుస్తోంది.

అయితే మే ఎండ్ నుంచి అమితాబ్ తన డేట్స్ ఇచ్చే అవకాశం ఉండటంతో ఏప్రిల్ లోగా కథలో మార్పులు పూర్తిచేయాల్సి ఉంటుంది. అందుకే తన టీం ని మార్చి మరో 12 మంది అసిస్టెంట్ రైటర్స్ తో కలిసి స్క్రిప్ట్ వర్క్ లో బిజీ అయ్యాడు. వన్స్ కథ లో మార్పులు జరిగితే, అమితాబ్ కి, ఎన్టీఆర్ కి నెరేట్ చేసి ఫైనల్ డ్రాఫ్ట్ ఓకే అయితే, షూటింగ్ షురూ చేయటమే తరువాయి.

అది కూడా మే ఎండ్ నుంచి అమితాబ్ సీన్లు, జూన్ ఎండ్ నుంచి ఎన్టీఆర్ తో షూటింగ్ షెడ్యూల్లు ప్లాన్ చేసే అవకాశం ఉన్నట్టు తెలుస్తోంది. ఆల్రెడీ నాగార్జున మనం మూవీతో తెలుగులో వెలిగిన అమితాబ్, తర్వాత సైరాలో ఆవెంటనే కల్కీలో కీరోల్స్ వేశాడు. ఈమధ్య సౌత్ లో మరీ ముఖ్యంగా తెలుగులో సినిమాలు చేసేందుకు ఆసక్తి చూపిస్తున్నాడు. అందుకు తనకి సాలిడ్ పాత్రలు దక్కడమే కారణం. గతంలో జనతా గ్యారేజ్ అంటూ సాలిడ్ క్యారెక్టర్ కి మళయాల స్టార్ మోహన్ లాల్ ని తీసుకున్నారు. ఇప్పుడు అలానే బాలీవుడ్ మెగా స్టార్ అమితాబ్ ని తారక్ మూవీకోసం తీసుకుంటున్నాడు కొరటాల శివ.