Chiranjeevi: విలన్ దొరికేశాడు.. ‘విశ్వంభర’ విలన్ రానా కాదా..!
మరోవైపు.. ఈ మూవీలో విలన్‌గా టాలీవుడ్ హ్యాండ్సమ్ హంక్ రానా నటిస్తాడనే ప్రచారం జరిగింది. రానా కూడా ఈ మెగా ప్రాజెక్టులో నటించడానికి ఎంతో ఉత్సాహాన్ని చూపించాడట. అయితే.. లేటెస్ట్‌గా ఈ ప్రాజెక్ట్ నుంచి రానా తప్పుకున్నాడట.
Dialtelugu Desk
Posted on: December 30, 2023 | 03:07 PM ⚊ Last Updated on: Dec 30, 2023 | 3:07 PM
Chiranjeevi: మెగాస్టార్ చిరంజీవి సినిమా వస్తుందంటే చాలు ఫ్యాన్స్‌కు పండుగతో పాటు పూనకాలు వచ్చేస్తాయి. అప్పుడప్పుడు తడబడ్డా.. ఎప్పుడూ వెండితెరకు చిరంజీవి మెగాస్టారే. రీసెంట్‌గా చేసిన సినిమాలన్నీ సో సో టాక్ సొంతం చేసుకున్నప్పటికి బాస్ క్రేజ్ ఏ మాత్రం తగ్గలేదు. భోళా శంకర్‌తో చేదు అనుభవం ఎదుర్కున్న మెగాస్టార్.. తర్వాతి సినిమా విషయంలో కేర్ ఫుల్‌గా అడుగులు వేస్తున్నాడు. ఈ నేపథ్యంలోనే బింబిసారతో మెప్పించిన యంగ్ టాలెంట్ డైరెక్టర్ వశిష్టతో ‘విశ్వంభర’ మూవీ మొదలు పెట్టాడు.
Kalki 2898 AD: వచ్చేది ఆ రోజునే.. కల్కి ట్రైలర్ కు డేట్ ఫిక్స్..!
ఇటీవలే పూజా కార్యక్రమాలు కంప్లీట్ చేసుకోవడంతో పాటు సైలెంట్‌గా షూటింగ్ జరుపుకుంటున్న సమయంలో ఓ ఇంట్రెస్టింగ్ న్యూస్ చక్కర్లు కొడుతోంది. మెగాస్టార్ చిరంజీవి 156వ చిత్రం తాజాగా హైదరాబాద్‌లో రెండో షెడ్యూల్ మొదలుపెట్టుకుంది. మొదటి షెడ్యూల్‌ని మారేడుమిల్లి అటవీ ప్రాంతంలో పూర్తిచేశారు. ఫస్ట్ షెడ్యూల్‌లో చిరంజీవి లేకుండానే సన్నివేశాలను చిత్రీకరించారు. ఇప్పుడు మొదలైన రెండో షెడ్యూల్‌లోనూ చిరు పాల్గొనడట. జనవరి చివరి నుంచి లేదా ఫిబ్రవరి మొదటి వారంలో మెగా ఎంట్రీ ఉంటుందని తెలుస్తోంది. మరోవైపు.. ఈ మూవీలో విలన్‌గా టాలీవుడ్ హ్యాండ్సమ్ హంక్ రానా నటిస్తాడనే ప్రచారం జరిగింది. రానా కూడా ఈ మెగా ప్రాజెక్టులో నటించడానికి ఎంతో ఉత్సాహాన్ని చూపించాడట. అయితే.. లేటెస్ట్‌గా ఈ ప్రాజెక్ట్ నుంచి రానా తప్పుకున్నాడట. తేజతో చేయబోయే ‘రాక్షస రాజా’ సినిమాతో ఈ మూవీకి డేట్స్ క్లాష్ అవుతుండడం వలనే మెగా ప్రాజెక్ట్ నుంచి రానా తప్పుకున్నాడనే ప్రచారం జరుగుతుంది.
రానా స్థానంలో బాలీవుడ్ నటుడు కునాల్ కపూర్‌ని విలన్‌గా ఎంపిక చేశారట. దాదాపు రెండు దశాబ్దాలుగా బాలీవుడ్‌లో కొనసాగుతున్న కునాల్.. హీరోగా, విలన్‌గా ఎన్నో సినిమాలు చేశాడు. తెలుగులోనూ నాగార్జున, నాని మల్టీస్టారర్ ‘దేవదాస్‘లో నెగటివ్ రోల్‌లో నటించాడు. లేటెస్ట్‌గా మెగా 156లో విలన్‌గా ఎంపికవ్వడమే కాకుండా.. నేటి నుంచే కునాల్ కపూర్ షూటింగ్‌లో జాయిన్ అయినట్టు ఫిల్మ్ నగర్ టాక్. మరి ఇందులో నిజమెంతో తెలియాలంటే మరి కొన్ని రోజులు ఆగాల్సిందే.
