దేవర షూట్ అప్పుడే, ఆల్రెడీ వర్క్ మొదలైందా…?

భారీ అంచనాలతో వచ్చిన దేవర సినిమా సూపర్ హిట్ టాక్ తో దూసుకుపోతుంది. సోషల్ మీడియాలో నెగటివ్ టాక్ కారణంగా వెనుకబడిన దేవర సినిమా ఇప్పుడు వసూళ్ళ విషయంలో కొత్త రికార్డులు నమోదు చేస్తోంది. సోలో గా ఎన్టీఆర్ ఆరేళ్ళ తర్వాత చేసిన సినిమా దేవర.

భారీ అంచనాలతో వచ్చిన దేవర సినిమా సూపర్ హిట్ టాక్ తో దూసుకుపోతుంది. సోషల్ మీడియాలో నెగటివ్ టాక్ కారణంగా వెనుకబడిన దేవర సినిమా ఇప్పుడు వసూళ్ళ విషయంలో కొత్త రికార్డులు నమోదు చేస్తోంది. సోలో గా ఎన్టీఆర్ ఆరేళ్ళ తర్వాత చేసిన సినిమా దేవర. ఈ సినిమాకు ఆ రేంజ్ లో వసూళ్లు రావడం చూసి ఫ్యాన్స్ కూడా షాక్ అవుతున్నారు. విదేశాల్లో కూడా దేవర హాడావుడి ఓ రేంజ్ లో నడుస్తోంది అనే మాట వాస్తవం. ఈ జాతరను ఆపే సినిమాలు ఏవీ ఇప్పట్లో విడుదల అయ్యే సూచనలు కనపడటం లేదు.

కొందరు అయితే సినిమా నచ్చి రెండు మూడు సార్లు కూడా చూస్తున్నారు. ఇక సినిమాలో ఎన్టీఆర్ నటన విషయంలో కూడా ఫ్యాన్స్ ఫిదా అయ్యారు. ఈ సమయంలో దేవర 2 పై భారీ అంచనాలు ఉన్న మాట వాస్తవం. అసలు దేవర కొడుకు వర… దేవరను ఎందుకు చంపాడు అనేది ఇప్పుడు హాట్ టాపిక్. అసలు వర చంపలేదు అని చంపిన వ్యక్తి వేరే అంటూ సోషల్ మీడియాలో కామెంట్స్ వస్తున్నాయి. ఈ నేపధ్యంలో దేవర 2 షూట్ కోసం ఫ్యాన్స్ కళ్ళు కాయలు కాసేలా ఎదురు చూస్తున్నారు. ఆ ఒక్క ప్రశ్న సినిమాకు వెయ్యి కోట్లు వసూళ్లు తెస్తుంది అంటున్నారు జనాలు.

అయితే దేవర 2 షూట్ వచ్చే ఏడాది అక్టోబర్ నుంచి మొదలయ్యే అవకాశం ఉందని తెలుస్తోంది. అసలు దేవర 2 ఉంటుందా లేదా అనే దానిపై చాలా సందేహాలు ఉన్నాయి. కాని ఈ విషయంలో వెనకడుగు వేసేది లేదని ఎన్టీఆర్ క్లారిటీ ఇచ్చేసాడు. వచ్చే ఏడాది అక్టోబర్ నుంచి ఎన్టీఆర్ షూట్ లో పాల్గొంటాడు. ఇక దేవర సక్సెస్ ను ఎంజాయ్ చేస్తున్న కొరటాల శివ ఇప్పుడు… రెండో పార్ట్ పై వర్క్ కూడా నిదానంగా మొదలుపెడుతున్నట్టు తెలుస్తోంది. ఫిబ్రవరిలో వేరే నటులతో షూటింగ్ ని పూర్తి చేసే అవకాశం ఉందని టాక్.

దాదాపు మూడు నెలల పాటు ఇతర నటులతో షూట్ ఉంటుందని ఆ తర్వాత ఎన్టీఆర్ తో షూట్ ఉంటుందని అది ఒక రెండు నెలలు ఉంటుందని 2026 సంక్రాంతికి సినిమా విడుదలయ్యే అవకాశం ఉండవచ్చు అని అంచనా వేస్తున్నారు. ప్రశాంత్ నీల్ సినిమా మాత్రం అదే ఏడాది దసరాకు విడుదల చేసే ప్లాన్ చేస్తున్నారట. ప్రస్తుతం ఎన్టీఆర్ వార్ 2 షూట్ లో పాల్గొనేందుకు ముంబై వెళ్తున్నాడు. అది పూర్తైన తర్వాత ప్రశాంత్ నీల్ సినిమాలో నటించే అవకాశం కనపడుతోంది. ఏది ఎలా ఉన్నా ఎన్టీఆర్ మాత్రం ఇప్పుడు ఫుల్ బిజీగా ఉండటం చూసి ఫ్యాన్స్ ఖుషీ అవుతున్నారు. వార్ 2 లో ఎన్టీఆర్ నుంచి ఏదైనా క్లిప్ రిలీజ్ చేయాలని కోరుతున్నారు.