దేవరను ఫాలో అవుతున్న గ్లోబల్ స్టార్, నార్త్ లో ఈవెంట్ ప్లాన్

ఆర్ఆర్ఆర్ సినిమా తర్వాత రామ్ చరణ్ హీరోగా వస్తున్న గేమ్‌ ఛేంజర్‌ సినిమాపై ఫ్యాన్స్ తో పాటుగా ఆడియన్స్ లో కూడా భారీగా హైప్ ఉన్న సంగతి తెలిసిందే. డైరెక్టర్ శంకర్ కావడంతో సినిమాపై హోప్స్ కూడా పీక్స్ లోనే ఉన్నాయి.

ఆర్ఆర్ఆర్ సినిమా తర్వాత రామ్ చరణ్ హీరోగా వస్తున్న గేమ్‌ ఛేంజర్‌ సినిమాపై ఫ్యాన్స్ తో పాటుగా ఆడియన్స్ లో కూడా భారీగా హైప్ ఉన్న సంగతి తెలిసిందే. డైరెక్టర్ శంకర్ కావడంతో సినిమాపై హోప్స్ కూడా పీక్స్ లోనే ఉన్నాయి. దానికి తోడు రామ్ చరణ్ సోలోగా చేస్తున్న సినిమా ఏడేళ్ళ తర్వాత రావడంతో ఫ్యాన్స్ పండుగ చేసుకుంటున్నారు. కాని సినిమా ఆలస్యం కావడంతో వారిలో భయం కూడా అదే రేంజ్ లో ఉందని చెప్పాలి. సినిమాను వాయిదా వేస్తూ రావడం, కనీసం ఇప్పటి వరకు టీజర్ కూడా రిలీజ్ కాకపోవడం ఫ్యాన్స్ కు మండుతుంది.

ఇక సినిమాకు ఇప్పుడు యాంటీ ఫ్యాన్స్ భయం కూడా ఉంది. అల్లు అర్జున్ ఆర్మీ తో పాటుగా దేవర సైన్యం కూడా సినిమాను టార్గెట్ చేయనున్నారు. కొరటాల శివ పై ఉన్న కోపాన్ని దేవర పై చూపించి గట్టిగా ట్రోల్ చేసారు. ఇక అల్లు అర్జున్ ని కూడా గట్టిగానే ట్రోల్ చేస్తున్నారు. పుష్ప సినిమాను మెగా ఫ్యాన్స్ దారుణంగా ట్రోల్ చేస్తున్నారు ఇప్పటికే. దీనితో కచ్చితంగా రామ్ చరణ్ సినిమాను టార్గెట్ చేయవచ్చు కూడా. అందుకే సినిమా రిలీజ్ ను క్రిస్మస్ నుంచి సంక్రాంతికి మార్చారు. జనవరి 10 న విడుదల కానుంది ఈ సినిమా.

ఇక భారీ బడ్జెట్‌తో పొలిటికల్‌ యాక్షన్‌ ఎంటర్‌టైనర్‌గా వస్తున్న ఈ సినిమా అప్‌డేట్స్‌, ప్రమోషన్స్‌ విషయంలో అభిమానులలో చాలా కోపం ఉండటంతో చల్లార్చడానికి రెడీ అవుతున్నారు. ఇప్పటి వరకు సినిమా నుంచి కేవలం రెండు పాటలు మాత్రమే రిలీజ్ చేయగా వాటికి మంచి స్పందన వచ్చింది. ఇక రిలీజ్ డేట్ దగ్గరకు రావడంతో మేకర్స్ ప్రమోషన్స్ మీద ఫోకస్ చేసారు. ఈనెల 9న టీజర్‌ని గ్రాండ్ గా రిలీజ్ చేసే ప్లాన్ చేస్తున్నారు. పాన్ ఇండియా లెవెల్ లో సినిమాను విడుదల చేస్తున్న నేపధ్యంలో ప్రమోషన్స్ కూడా అలాగే ప్లాన్ చేసారు.

లక్నోలో ఈ ఈవెంట్ ను ప్లాన్ చేసారు దిల్ రాజు. ముందు హైదరాబాద్ అనుకున్నా… లక్నోలో నిర్వహిస్తున్నారు. దేవర సినిమా విషయంలో ఎన్టీఆర్ ఇలాగే చేసాడు. ముంబైలో ట్రైలర్ లాంచ్ చేసాడు. దేవరకు అక్కడ మంచి రెస్పాన్స్ వచ్చింది. అందుకే ఇప్పుడు గేమ్ చేంజర్ సినిమా ఈవెంట్ లక్నోలో ప్లాన్ చేసారు. ఇక్కడి నుంచి రెండు వారాలకు ఒక ఈవెంట్ ను మేకర్స్ ప్లాన్ చేస్తున్నారు. సినిమా గురించి రెండు వారాలకు ఒక అప్డేట్ రానుంది. కాగా ఈ సినిమాలో కైరా అద్వాని హీరోయిన్ గా నటిస్తుంది. విలన్ గా ఎస్ జే సూర్య నటిస్తున్నాడు.