అడవి శేష్ కు హీరోయిన్లు దొరకట్లేదా…? హీరోయిన్ కోసం రెండు సినిమాలు వెయిటింగ్

టాలీవుడ్ లో ఇప్పుడు కొందరు హీరోలకు హీరోయిన్లు దొరకడం కష్టమైంది. ఒకప్పుడు స్టార్ ఇమేజ్ ఉన్న హీరోల నుంచి కొందరు యంగ్ హీరోలకు కూడా హీరోయిన్లు దొరకడం కష్టంగా మారింది. నందమూరి బాలకృష్ణ, చిరంజీవి, వెంకటేష్ ఇలా సీనియర్ హీరోలకు హీరోయిన్ సమస్య తీవ్రంగానే ఉంది.

టాలీవుడ్ లో ఇప్పుడు కొందరు హీరోలకు హీరోయిన్లు దొరకడం కష్టమైంది. ఒకప్పుడు స్టార్ ఇమేజ్ ఉన్న హీరోల నుంచి కొందరు యంగ్ హీరోలకు కూడా హీరోయిన్లు దొరకడం కష్టంగా మారింది. నందమూరి బాలకృష్ణ, చిరంజీవి, వెంకటేష్ ఇలా సీనియర్ హీరోలకు హీరోయిన్ సమస్య తీవ్రంగానే ఉంది. వారి జాబితాలో ఇప్పుడు అడవి శేష్ కూడా జాయిన్ అయ్యాడు. ఈ యువ వరుస హిట్ లతో ఫాం లో ఉన్న సమయంలో హీరోయిన్ దొరకక సినిమా షూటింగ్ లు వాయిదా వేసుకోవడం చూసి షాక్ అవుతున్నారు జనాలు.

‘మేజర్‌’, ‘హిట్‌–2’ సినిమాలు సక్సెస్ అయిన తర్వాత శేష్… ఏడాదికి పైగా గ్యాప్ తీసుకుని సినిమాలు మొదలుపెట్టాడు. గూడచారి సినిమా సీక్వెల్ గా జీ 2 సినిమా వస్తోంది. దీనితో పాటుగా సినిమాటోగ్రాఫర్‌గా పని చేసిన షానీల్‌ డియో దర్శకుడిగా డకాయిట్‌ అనే సినిమా చేస్తున్నాడు. మేజర్ సినిమాతో నార్త్ లో బాగా దగ్గరైన అడవి శేష్ కు అక్కడి అమ్మాయిల్లో కూడా మంచి ఫాలోయింగ్ వచ్చింది. దీనితో ఓ బాలీవుడ్ హీరోయిన్… అడవి శేష్ తో సినిమా చేయడానికి రెడీ అయింది. అక్కడ రెండు మూడు సినిమాల్లో చేసిన బనితా సందు రెడీగా ఉంది.

ఈ విషయాన్ని ఆమె స్వయంగా ఓ ఇంటర్వ్యూలో చెప్పింది. గూడచారి 2 లో ఆమెను సెలెక్ట్ చేయగా… ఆమె మాత్రం వేరే కారణాలతో సైడ్ అయిపోయింది. ఆ తర్వాత డకాయిట్ సినిమాకు సీనియర్ హీరోయిన్ శృతి హాసన్ ను ఎంపిక చేయగా ఆమె కూడా తప్పుకుంది. అయితే డైరెక్టర్ కాకుండా అడవి శేష్ సినిమాకు కొన్ని సీన్స్ డైరెక్ట్ చేసాడని అది నచ్చకనే ఆమె తప్పుకుంది అంటున్నారు కొందరు. గూఢచారి 2’, ‘డకాయిట్‌’ సినిమాల షూట్ ఇప్పటికే మొదలుకాగా రెండు సినిమాలకు హీరోయిన్లు దొరకడం లేదు.

హీరోయిన్ లు లేని సీన్స్ ను ఇప్పుడు ఫినిష్ చేస్తున్నారు. ఈ రెండు సినిమాలకు హీరోయిన్లు దొరకకపోతే సినిమాలు ఆలస్యం అయ్యే ఛాన్స్ ఉంది. ఇక బాలీవుడ్ హీరోయిన్ పరిణితి చోప్రాను అడిగే ప్రయత్నం చేసినా ఆమె కూడా నో చెప్పిందని టాక్. తెలుగులో ఒక కొత్త హీరోయిన్ కోసం ట్రై చేస్తున్నారని ఆమె ఫైనల్ అయితే షూట్ స్పీడ్ అందుకుంటుంది అని అంటున్నారు. ఏది ఎలా ఉన్నా సినిమాల్లో అవకాశాల కోసం తీవ్రంగా ట్రై చేసే అమ్మాయిలు… అడవి శేష్ లాంటి స్టార్ హీరో సినిమాలో నటించడానికి దొరకకపోవడం షాకింగ్ విషయమే.