Hithalaka Karibyada Maava: హితలక కరిబ్యద మావ మానియా.. రీల్స్‌తో సోషల్ మీడియా షేక్
ఏదైనా సాంగ్ గానీ, థీమ్ గానీ ట్రెండింగ్‌లో ఉంటే చాలు.. దాన్ని రీల్ చేసి సోషల్ మీడియాలో పోస్ట్ చేసే వరకు నిద్ర పోవ‌డం లేదు. ఇప్పుడు ఇలా నెటిజ‌న్ల‌ను క‌ట్టిప‌డేస్తున్న ఓ లేటెస్ట్ సాంగ్ హితలక కరిబ్యద మావ. ఇప్పుడు రీల్స్‌తో బాగా వైర‌ల్ అవుతున్న ఈ పాట ఓ క‌న్న‌డ సినిమాది కావ‌డం విశేషం.
Dialtelugu Desk
Posted on: April 28, 2024 | 03:46 PM ⚊ Last Updated on: Apr 28, 2024 | 3:46 PM
Hithalaka Karibyada Maava: సోషల్ మీడియా వ‌చ్చాక లైఫ్ స్టైల్ పూర్తిగా మారిపోయింది. ఏదో ఒక విష‌యంతో ట్రెండింగ్‌లో ఉండ‌డం జనాల‌కు అలవాటుగా మారిపోయింది. సామాన్యుల ద‌గ్గ‌ర నుంచి సెల‌బ్రిటీల వరకు ఇదే ఫార్ములా ఫాలో అవుతున్నారు. ఇక ప్ర‌జెంట్ సోషల్ మీడియాలో బాగా పాపుల‌ర్ అయివుతున్న ట్రెండ్ ఏదైనా ఉందంటే అది రీల్స్. సామాన్యులే కాదు.. సెల‌బ్రిటీలు కూడా ఇప్పుడు ఈ రీల్స్ మాయ‌లో ప‌డి కొట్టుకుపోతున్నారు.
MEGASTAR CHIRANJEEVI: దారి తప్పిన అన్నయ్య.. కూటమికి ప్రచారం.. మళ్లీ రాజకీయాల వైపు చిరంజీవి
ఏదైనా సాంగ్ గానీ, థీమ్ గానీ ట్రెండింగ్‌లో ఉంటే చాలు.. దాన్ని రీల్ చేసి సోషల్ మీడియాలో పోస్ట్ చేసే వరకు నిద్ర పోవ‌డం లేదు. ఇప్పుడు ఇలా నెటిజ‌న్ల‌ను క‌ట్టిప‌డేస్తున్న ఓ లేటెస్ట్ సాంగ్ హితలక కరిబ్యద మావ. ఇప్పుడు రీల్స్‌తో బాగా వైర‌ల్ అవుతున్న ఈ పాట ఓ క‌న్న‌డ సినిమాది కావ‌డం విశేషం. శివరాజ్ కుమార్, ప్ర‌భుదేవా న‌టించిన కరటక ధమనక అనే మూవీలోని ఈ సాంగ్ సోషల్ మీడియాను షేక్ చేస్తోంది. ఆ మ‌ధ్య త‌మిళ డిక్కీలోనా అనే సినిమాలోని పెర్ వాచాలుమ్ వైక్కామా, విక్రాంత్ రోణాలోని రా రా ర‌క్క‌మ్మ, నిన్న‌టి వరకు కుమారి అంటీ, హీరియే హీరియే, కుర్చీ మ‌డ‌త పెట్టి అనే పాట‌లు సోషల్ మీడియాలో ఏ రేంజ్‌లో ర‌చ్చ చేసాయో మ‌నంద‌రికీ తెలిసిందో. ఇప్పుడు అదే రేంజ్‌లో హితలక కరిబ్యద మావ కూడా సోషల్ మీడియాలో కూడా దుమ్ము రేపుతోంది. ప్ర‌స్తుతం ఇది సోషల్ మీడియాలో పెద్ద ఎంట‌ర్‌టైన్‌మెంట్‌గా మారిపోయింది. ప్ర‌భుదేవా, నిష్వికా నాయుడుపై చిత్రీక‌రించిన హితలక కరిబ్యద మావ అనే పాట నెటిజ‌న్ల‌కు వీప‌రీతంగా న‌చ్చేసింది.
ఈపాట మ్యూజిక్‌తో పాటు.. ఇండియన్ మైఖేల్ జాక్సన్ ప్ర‌భుదేవా మ్యాజిక‌ల్ డ్యాన్స్ మూమెంట్స్ నెటిజ‌న్స్‌కు మాంచి కిక్కునిచ్చాయి. దీంతో.. సామాన్యుల నుంచి సెల‌బ్రిటీల వ‌ర‌కూ ఈ పాట‌కు ఫిదా అయిపోయారు.. కేవ‌లం యూత్‌, నెటిజ‌న్ల‌కే కాకుండా సెల‌బ్రిటీలు కూడా ఇప్పుడు ఈ పాట‌పై బాగానే రీల్స్ చేస్తున్నారు. ఇన్ స్టాగ్రామ్ ఓపెన్ చేస్తే చాలు ఈ పాట రీల్స్ ద‌ర్శ‌న‌మిస్తున్నాయి. మ‌న టాలీవుడ్ సెట‌బ్రిటీలు బ్రహ్మాజీ, ఆది, ఇత‌ర యూ ట్యూబ్ తార‌లు కూడా ఇదే పాట‌పై రీల్స్ చేస్తూ.. సోషల్ మీడియాను షేక్ చేస్తున్నారు. దీంతో.. ఇప్పుడు సోషల్ మీడియాలో ఏ ప్లాట్ ఫామ్ చూసినా ఈ పాటే హ‌ల్ చ‌ల్ చేస్తోంది. మొత్తానికి మ‌రో కొత్త పాట వ‌చ్చేవ‌ర‌కు హితలక కరిబ్యద మావ పాట సంద‌డి ఇప్ప‌ట్లో ఆగ‌డం క‌ష్ట‌మేనంటున్నారు.
