Indian 2 : ‘ఇండియన్ 2’ తో పాటు ‘ఇండియన్ 3′

కమల్ హాసన్, శంకర్ కాంబినేషన్లో వస్తున్న సీక్వెల్ మూవీ ‘ఇండియన్ 2’ పై అంచనాలు భారీగా ఉన్నాయి.

కమల్ హాసన్, శంకర్ కాంబినేషన్లో వస్తున్న సీక్వెల్ మూవీ ‘ఇండియన్ 2’ పై అంచనాలు భారీగా ఉన్నాయి. ఈ మూవీని లైకా ప్రొడక్షన్స్, రెడ్ జెయింట్ మూవీస్ పై ఉదయనిధి స్టాలిన్‌, సుభాస్కరన్‌ గ్రాండ్‌గా నిర్మిస్తున్నారు. అయితే ఈ సినిమా షూటింగ్ ఎప్పుడో మొదలైన.. కొన్ని కారణాల వల్ల మధ్యలోనే నిలిచిపోయింది. కానీ విక్రమ్ సినిమా హిట్ జోష్‌లో మళ్లీ ఈ సినిమాను లైన్లో పెట్టాడు కమల్ హాషన్.

ఇప్పటికే షూటింగ్ శరవేగంగా పూర్తిచేసుకొని విడుదలకు సిద్ధమైంది ఇండియన్ 2. అయితే.. ఇండియన్‌ 2తోపాటు ఇండియన్ 3 కూడా ఒకేసారి షూటింగ్ జరుపుకున్నట్టు సమాచారం. కానీ ఇండియన్ 2 రిలీజ్ డేట్ విషయంలో మాత్రం క్లారిటీ రావడం లేదు. ఇప్పటికే మేకర్స్ జూన్‌లో రిలీజ్ చేస్తామని అనౌన్స్ చేశారు. కానీ ఇంకా డేట్ ఫిక్స్ చేయలేదు. అయితే జూన్ 27న ప్రభాస్ కల్కి రిలీజ్ అవుతున్న నేపథ్యంలో.. జూలైలో ఇండియన్ 2 రిలీజ్ చేయడానికి ప్లాన్ చేస్తున్నట్టుగా సమాచారం. జూలై 12న ఈ చిత్రాన్ని పాన్‌ ఇండియా స్థాయిలో విడుదల చేయబోతున్నారని తెలిసింది.

ఈ విషయమై త్వరలో అధికారిక ప్రకటన రానుందని అంటున్నారు. ఇక.. వీలైనంత త్వరగా ఇండియన్ 3 కూడా రిలీజ్ చేసేలా ప్లాన్ చేస్తున్నాడట శంకర్. అందుకే.. ఇండియన్‌ 2 ఎండ్‌ క్రెడిట్స్‌లో ఇండియన్‌ 3 ట్రైలర్‌ ఎటాచ్ చేస్తున్నాడట. ఇక ఈ సినిమాలో కాజల్, రకుల్ ప్రీత్ సింగ్, సిద్దార్థ్, ప్రియా భవాని శంకర్, ఎస్‌జే సూర్య, బాబీ సింహా వంటి తదితరులు నటిస్తుండగా.. అనిరుధ్ మ్యూజిక్ అందిస్తున్నాడు. మరి ఇండియన్ 2 రిలీజ్ ఎప్పుడుంటుందో చూడాలి.