బాలయ్యతో బోయపాటి మల్టీ స్టారర్ ప్లాన్ చేసాడా…?

టాలీవుడ్ లో ఊర మాస్ డైరెక్టర్ గా పేరు తెచ్చుకున్న బోయపాటి శ్రీను ఇప్పుడు నట సింహం నందమూరి బాలకృష్ణతో ఓ సినిమాను ప్రకటించాడు. ఈ సినిమా ఎలా ఉంటుంది, అసలు ఏ కథ అనే దానిపై నందమూరి ఫ్యాన్స్ లో అప్పుడే చర్చలు కూడా మొదలయ్యాయి.

టాలీవుడ్ లో ఊర మాస్ డైరెక్టర్ గా పేరు తెచ్చుకున్న బోయపాటి శ్రీను ఇప్పుడు నట సింహం నందమూరి బాలకృష్ణతో ఓ సినిమాను ప్రకటించాడు. ఈ సినిమా ఎలా ఉంటుంది, అసలు ఏ కథ అనే దానిపై నందమూరి ఫ్యాన్స్ లో అప్పుడే చర్చలు కూడా మొదలయ్యాయి. గతంలో వీళ్ళ కాంబినేషన్ లో వచ్చిన మూడు సినిమాలు సూపర్ హిట్ అయ్యాయి. ఇక ఇప్పుడు అఖండ సీక్వెల్ అనే టాక్ వస్తోంది. ఈ సీక్వెల్ కి సంబంధించి బోయపాటి ఎప్పటి నుంచో వర్క్క్ చేయడం మొదలుపెట్టారని బాలకృష్ణ కు ఇప్పటికే కథ కూడా చెప్పారని వార్తలు వస్తున్నాయి.

అయితే ఇప్పుడు ఇది మల్టీ స్టారర్ అనే టాక్ కూడా మొదలైంది. మల్టీ స్టారర్ సినిమా చేయాలని బోయపాటి ఎప్పటి నుంచో ప్రయత్నం చేస్తున్నాడు. ఇందుకోసం ఎప్పుడో ఓ కథ కూడా రాసుకున్నాడని వార్తలు వచ్చాయి. అయితే ఇప్పుడు అఖండ సీక్వెల్ ని మల్టీ స్టారర్ చేసే అవకాశం ఉందని టాక్ నడుస్తోంది. దీనికి సంబంధించి బాలయ్య కూడా గ్రీన్ సిగ్నల్ ఇచ్చాడని టాలీవుడ్ వర్గాలు అంటున్నాయి. అఖండ సీక్వెల్ పై ఫ్యాన్స్ లో అంచనాలు ఓ రేంజ్ లో ఉన్న సంగతి తెలిసిందే. అఖండ మొదటి పార్ట్ సూపర్ హిట్ అయింది.

ఆ సినిమాలో బాలయ్య ద్వితాపాత్రిభినయం చేసారు. ఇప్పుడు సీక్వెల్ లో కూడా అదే ఉండబోతుంది. అయితే సీక్వెల్ లో కళ్యాణ్ రామ్ ని కూడా తీసుకోవాలని బోయపాటి భావిస్తున్నాడు. దీనికి సంబంధించి కళ్యాణ్ రామ్ కూడా ఓకే చెప్పాడని టాక్. బోయపాటి కథను చాలా పవర్ ఫుల్ గా మార్చాడని కూడా అంటున్నారు. గతంలో రాసుకున్న కథలో మల్టీ స్టారర్ కోసం మార్పులు చేసాడని అంటున్నారు. ఇక బోయపాటికి తనను ఎలా చూపించాలో ఓ క్లారిటీ ఉంటుంది కాబట్టి బాలకృష్ణ కూడా మరో మాట మాట్లాడలేదని అంటున్నారు.

ప్రస్తుతం బాలయ్య రెండు సినిమాలను లైన్ లో పెట్టారు. ఈ రెండు సినిమాలకు సంబంధించి ఆయన గట్టిగానే వర్క్ చేస్తున్నారు. ఇక ఇదే సమయంలో అఖండ సీక్వెల్ ను హిందీలో కూడా గట్టిగా మార్కెటింగ్ చేయాలని బాలయ్య పట్టుదలగా ఉన్నారు. అందుకే హీరోయిన్ గా ఐశ్వర్య రాయ్ ని తీసుకునే ఆలోచనలో ఉన్నారని అంటున్నారు. అయితే మొదటి పార్ట్ లో ప్రగ్యా జైస్వాల్ ఉన్న సంగతి తెలిసిందే. మరి ఐశ్వర్య పాత్ర ఏంటీ అనేది తెలియాల్సి ఉంది. ఇక విలన్ గా కూడా బాలీవుడ్ స్టార్ ని ఈ సినిమాలో తీసుకునే ఛాన్స్ ఉంది.