SALAAR: ప్రభాస్ డ్యుయెల్ రోల్.. ఒకటి సలార్, మరి రెండోది..?
భారీ బడ్జెట్‌తో నిర్మిస్తున్న ఈ సినిమాపై ప్రేక్షకులలో.. వరల్డ్ వైడ్ ప్రభాస్ ఫ్యాన్స్‌లో అంచనాలు పీక్స్‌లో ఉన్నాయి. ఇప్పటికే టీజర్‌తో, పోస్టర్‌లతో సలార్ మూవీ అంచనాలు రెట్టింపు చేసేసింది. పైగా తాజాగా కొత్త రిలీజ్ డేట్ కూడా అనౌన్స్ చేశారు మేకర్స్.
Dialtelugu Desk
Posted on: September 29, 2023 | 08:54 PM ⚊ Last Updated on: Sep 29, 2023 | 8:54 PM
SALAAR: పాన్ ఇండియా స్టార్ ప్రభాస్.. ప్రశాంత్ నీల్ కాంబినేషన్‌లో తెరకెక్కుతున్న మూవీ సలార్. ఈ మధ్యకాలంలో మోస్ట్ ట్రెండింగ్ మూవీస్‌లో ఒకటిగా సలార్ రికార్డు నమోదు చేసింది. హై యాక్షన్ మూవీగా రూపొందుతున్న సలార్‌ని.. కేజీఎఫ్ ఫేమ్ హోంబలే ఫిలిమ్స్ వారు నిర్మిస్తున్నారు. భారీ బడ్జెట్‌తో నిర్మిస్తున్న ఈ సినిమాపై ప్రేక్షకులలో.. వరల్డ్ వైడ్ ప్రభాస్ ఫ్యాన్స్‌లో అంచనాలు పీక్స్‌లో ఉన్నాయి. ఇప్పటికే టీజర్‌తో, పోస్టర్‌లతో సలార్ మూవీ అంచనాలు రెట్టింపు చేసేసింది.
పైగా తాజాగా కొత్త రిలీజ్ డేట్ కూడా అనౌన్స్ చేశారు మేకర్స్. దాదాపు ఏడాదికి పైగా ఈ మూవీ కోసం ఆశతో ఎదురు చూస్తున్నారు డార్లింగ్ ఫ్యాన్స్. హోంబలే ఫిలిమ్స్, ప్రశాంత్ నీల్ పై నమ్మకంతో ఫ్యాన్స్ ఓపికగా వెయిట్ చేస్తున్నారు. ఎందుకంటే.. వాళ్ళ కాంబినేషన్‌లో వచ్చిన కేజీఎఫ్, కేజీఎఫ్ 2 సినిమాలు బాక్సాఫీస్ వద్ద ఎలాంటి ప్రభంజనం సృష్టించాయో ప్రత్యేకంగా చెప్పక్కర్లేదు. అయితే.. సెప్టెంబర్ 28 నుంచి వాయిదా పడిన సలార్ మూవీ.. డిసెంబర్ 22న రిలీజ్ అవుతున్నట్లు మేకర్స్ తాజాగా ప్రకటించారు. దీంతో ఫ్యాన్స్ అంతా ఖుషి అవుతున్నారు. ఇలాంటి తరుణంలో సినిమాకు సంబంధించి ఓ క్రేజీ న్యూస్ సోషల్ మీడియాలో వైరల్‌గా మారింది. అదేంటంటే.. సలార్‌లో ప్రభాస్ డ్యూయెల్ రోల్ ప్లే చేస్తున్నాడన్న వార్త తెగ వైరల్ అవుతోంది. సలార్‌లో ప్రభాస్ రెండు క్యారెక్టర్స్‌లో కనిపించనున్నాడట.
అందులో ఒకటి సలార్ కాగా.. రెండో క్యారెక్టర్ పేరు దేవా అని తెలుస్తుంది. వీటిలో సలార్ తండ్రి కాగా.. దేవా కొడుకు అని చెబుతున్నారు. రీసెంట్‌గా రిలీజ్ అయిన పోస్టర్ దేవాదే అంటూ కొత్త కథలు పుట్టుకువచ్చాయి. మరి ఇందులో ఎంత నిజముందో గానీ.. సలార్ మాత్రం రెండు భాగాలుగా తెరకెక్కుతుంది. ప్రభాస్-ప్రశాంత్ నీల్ కాంబినేషన్‌లో వస్తున్న ఈ మూవీ ఎలాంటి మ్యాజిక్ క్రియేట్ చేస్తుందో చూడాలి.
