బాలయ్య – బాబీ సినిమాకు ఆ టైటిల్ ఫిక్స్…?

ఓ పక్క యువ హీరోలు ఏడాదికో రెండేళ్ళకో ఓ సినిమా చేస్తుంటే నట సింహం నందమూరి బాలకృష్ణ మాత్రం గ్యాప్ లేకుండా సినిమాలు చేస్తున్నారు. ఎన్నికల కారణంగా సినిమాలకు కాస్త గ్యాప్ ఇచ్చిన బాలకృష్ణ ఇప్పుడు మళ్ళీ స్పీడ్ పెంచారు.

ఓ పక్క యువ హీరోలు ఏడాదికో రెండేళ్ళకో ఓ సినిమా చేస్తుంటే నట సింహం నందమూరి బాలకృష్ణ మాత్రం గ్యాప్ లేకుండా సినిమాలు చేస్తున్నారు. ఎన్నికల కారణంగా సినిమాలకు కాస్త గ్యాప్ ఇచ్చిన బాలకృష్ణ ఇప్పుడు మళ్ళీ స్పీడ్ పెంచారు. వయసు మీద పడుతున్నా సినిమాలను మాత్రం ఆయన ఆపడం లేదు. వరుస ప్రాజెక్ట్ లతో ఇప్పుడు బాలయ్య బిజీగా మారుతున్నారు. మరో పక్క బాలయ్య… అన్ స్టాపబుల్ సీజన్ 4 లో కూడా కనపడుతున్నారు. దీనికి సంబంధించి ట్రైలర్ కూడా విడుదల చేసిన సంగతి తెలిసిందే.

దసరా సందర్భంగా నందమూరి ఫ్యాన్స్ కి బాలయ్య మూడు శుభవార్తలు చెప్పారు. ఒకటి సీజన్ 4 కాగా మరొకటి బాలయ్య, బోయపాటి కాంబినేషన్ లో సినిమా. బాబీ దర్శకత్వంలో చేస్తున్న సినిమా లుక్ ని కూడా చిత్ర యూనిట్ విడుదల చేసింది. దీనికి ఫ్యాన్స్ కూడా ఫిదా అయిపోయారు. ఏ రేంజ్ లో ప్లాన్ చేసావ్ బాబీ అంటూ సోషల్ మీడియాలో కామెంట్స్ కూడా చేస్తున్నారు. ఇక బాలకృష్ణ ఈ సినిమా కోసం దాదాపుగా ఏడాది నుంచి కష్టపడుతున్నారు. మధ్యలో ఎన్నికల కారణంగా సినిమా వాయిదా పడింది.

వచ్చే ఏడాది ఈ సినిమాను ప్రేక్షకుల ముందుకు తీసుకు రానున్నారు. ఇక ఈ సినిమా టైటిల్ ని టీజర్ ని దీపావళి సందర్భంగా విడుదల చేస్తామని చిత్ర యూనిట్ ప్రకటించింది. దీనితో టైటిల్ విషయంలో ఫ్యాన్స్ లో ఇప్పుడు ఆసక్తి మొదలయింది. బాలయ్య ఈ మధ్య కాలంలో టైటిల్స్ విషయంలో కాస్త జాగ్రత్తలు తీసుకుంటున్నారు. ఒక్కో టైటిల్ సెన్సేషన్ అవుతోంది. బాబీ దర్శకత్వంలో చేయబోయే సినిమాకు నాలుగు టైటిల్స్ ని పరిశీలించి చివరికి పవర్ ఫుల్ టైటిల్ ని ఖరారు చేసింది చిత్ర యూనిట్.

“సర్కార్ సీతారామయ్య” అనే టైటిల్ ని బాలయ్య ఫైనల్ చేసారు. ఈ టైటిల్ పవర్ ఫుల్ గా ఉండటమే కాకుండా ఇందులో డ్యూయల్ రోల్ ఉంటుందని అందుకనే బాలయ్య ఈ టైటిల్ ని ఫైనల్ చేసిన్నట్టు తెలుస్తోంది. స్వాతంత్ర్య ఉద్యమ సమయంలో ఉన్న పరిస్థితుల ఆధారంగా ఈ సినిమాను తెరకెక్కిస్తున్నట్టుగా తెలుస్తోంది. ఇక ఈ సినిమా తర్వాత బాలయ్య రెండు ప్రాజెక్ట్ లు లైన్ లో పెట్టారు. అందులో ఒకటి తన కొడుకుతో కాగా… మరొకటి బోయపాటి శ్రీనుతో. ఈ సినిమా వచ్చే ఏడాది ఆగస్ట్ లో కచ్చితంగా విడుదల కానుంది. అఖండ సీక్వెల్ అని అంటున్నాయి టాలీవుడ్ వర్గాలు.