Hrithik Roshan: బాలీవుడ్ గ్రీక్ గాడ్‌కి.. అరవింద, వీరరాఘవ రెడ్డి సాయం..
బాహుబలి, త్రిబుల్ ఆర్, కేజీయఫ్, పుష్ప, కాంతారా ఎఫెక్ట్‌తో సౌత్ స్టార్స్ మీద బాలీవుడ్‌కు గౌరవమే కాదు కంగారు పెరిగింది. అక్కడి నుంచి సౌత్ హీరోలు, ముఖ్యంగా తెలుగు హీరోల సాయం తీసుకునే వరకు సీన్ మారింది.
Dialtelugu Desk
Posted on: May 22, 2023 | 12:39 PM ⚊ Last Updated on: May 22, 2023 | 12:39 PM
Hrithik Roshan: బాలీవుడ్ గ్రీక్ గాడ్ హృతిక్ రోషన్‍కి టాలీవుడ్ స్టార్స్ సాయం చేస్తున్నారు. అందులో యంగ్ టైగర్ ఎన్టీఆర్, అందాల బ్యూటీ పూజా హెగ్డే ఉన్నారట. విచిత్రం ఏంటంటే ఒకప్పుడు సౌత్ హీరోలంటే, పేర్లు కూడా గుర్తుండే పరిస్థితి లేదు. కాని ఇప్పుడు ఓడలు బల్లయ్యాయి, బల్లు ఓడలయ్యాయి.
బాహుబలి, త్రిబుల్ ఆర్, కేజీయఫ్, పుష్ప, కాంతారా ఎఫెక్ట్‌తో సౌత్ స్టార్స్ మీద బాలీవుడ్‌కు గౌరవమే కాదు కంగారు పెరిగింది. అక్కడి నుంచి సౌత్ హీరోలు, ముఖ్యంగా తెలుగు హీరోల సాయం తీసుకునే వరకు సీన్ మారింది. సల్మాన్.. వెంకీ, చెర్రీ సాయం తీసుకున్నాడు. హృతిక్ రోషన్.. ఎన్టీఆర్, పూజా హెగ్డే సాయం తీసుకుంటున్నాడు. వార్-2 మూవీలో ఎన్టీఆర్ ముందు నటించనన్నాడట. కాని హృతిక్ రోషన్ కాల్ చేసి మరీ, ఆపాత్ర కు నువ్వైతేనే న్యాయం చేస్తావు బ్రదర్ అన్నాడని తెలుస్తోంది.
వార్-2 లో ఎన్టీఆర్ ఉంటే, సౌత్ మార్కెట్ మొత్తానికి వార్-2 రీచ్ అవుతుందనేది గ్రీక్ గాడ్ హృతిక్ అభిప్రాయమట. అదే ఆదిత్య చోప్రాకి చెప్పి అలా కూడా తారక్‌ని ఒప్పించాడు. విచిత్రమేంటంటే హిట్లు లేని పూజా హెగ్డే వార్-2 లో హృతిక్‌కి జోడీ అంటున్నారు. మొహెంజొదారోలో తనతో ఆల్రెడీ జోడీకట్టి దెబ్బతిన్న పూజా, మళ్లీ హృతిక్ సరసన మెరవబోతోందట.
