జూనియర్ ఎన్టీఆర్ ‘డ్రాగన్’ స్టోరీ లీక్.. ప్రశాంత్ నీల్ ఏం ప్లాన్ చేశాడబ్బా.. మళ్లీ సముద్రంలోనే..!

కొన్ని సినిమాలు కేవలం కాంబినేషన్స్ నుంచే అదిరిపోయే అంచనాలు మెయింటైన్ చేస్తూ ఉంటాయి. జూనియర్ ఎన్టీఆర్, ప్రశాంత్ నీల్ సినిమా కూడా అలాంటిదే. ఈ ఇద్దరు రెండేళ్ల కింద సినిమా అనౌన్స్ చేశారు ఇప్పుడు సెట్స్ మీదకి తీసుకొచ్చారు.

కొన్ని సినిమాలు కేవలం కాంబినేషన్స్ నుంచే అదిరిపోయే అంచనాలు మెయింటైన్ చేస్తూ ఉంటాయి. జూనియర్ ఎన్టీఆర్, ప్రశాంత్ నీల్ సినిమా కూడా అలాంటిదే. ఈ ఇద్దరు రెండేళ్ల కింద సినిమా అనౌన్స్ చేశారు ఇప్పుడు సెట్స్ మీదకి తీసుకొచ్చారు. రామోజీ ఫిలిం సిటీలో ఈ సినిమాకు సంబంధించిన షూటింగ్ వేగంగా జరుగుతుంది. మొదటి షెడ్యూల్ లోనే 3,000 మంది జూనియర్ ఆర్టిస్టులతో అదిరిపోయే యాక్షన్ సీక్వెన్స్ చిత్రీకరిస్తున్నాడు దర్శకుడు ప్రశాంత్ నీల్. తాజాగా ఈ సినిమా గురించి అదిరిపోయే అప్డేట్స్ బయటకు వచ్చాయి. ఇంకా చెప్పాలంటే స్టోరీ కూడా లీక్ అయింది. అది తెలిసి పండగ చేసుకుంటున్నారు ఎన్టీఆర్ అభిమానులు. అదేంటో తెలియదు కానీ దేవర సినిమా నుంచి జూనియర్ కథలు మొత్తం సముద్రం చుట్టూ తిరుగుతున్నాయి. ఇప్పుడు ప్రశాంత్ నీల్ డ్రాగన్ సినిమా స్టోరీ కూడా సముద్రం నేపథ్యంలోనే వస్తుంది.

ఈ సినిమాకు డ్రాగన్ అనే టైటిల్ కన్ఫర్మ్ అయిపోయింది. నిన్న మొన్నటి వరకు అనుమానాలు ఉండేవి కానీ.. తాజాగా మైత్రి మూవీ మేకర్స్ రవిశంకర్ డ్రాగన్ అనే టైటిల్ కన్ఫర్మ్ చేశాడు. ఇక జూనియర్ ఎన్టీఆర్, ప్రశాంత్ నీల్ సినిమా కథ విషయానికొస్తే 1960స్ బెంగాల్ నేపథ్యంలో సాగే ఒక నాయకుడి కథ ఇది. గోల్డెన్ ట్రయాంగిల్‌గా పిలవబడే సముద్రతీర ప్రాంతంలో జరిగే డ్రగ్ మాఫియా బేస్డ్‌గా డ్రాగన్ తెరకెక్కుతుందని తెలుస్తుంది. ఇంటర్నేషనల్ స్టాండర్డ్స్ లో డ్రాగన్ సినిమా తెరకెక్కిస్తున్నాడు దర్శకుడు ప్రశాంత్. కేవలం ఇండియాలో మాత్రమే కాదు ఇంటర్నేషనల్ లాంగ్వేజెస్ లో కూడా ఈ సినిమా విడుదల కానుంది. తనకి తగ్గట్టుగానే మేకింగ్ కూడా ఉండబోతుంది.

గోల్డెన్ ట్రయాంగిల్ అనే సముద్రతీర ప్రాంతం అంటే.. ఇందులోనూ సముద్రమే స్పెషల్ అట్రాక్షన్. ఈ సినిమాలో విజువల్ ఎఫెక్ట్స్ అద్భుతంగా ఉండబోతున్నాయి. దీనికోసం హాలీవుడ్ టీం పని చేస్తున్నారు. ఆఫ్రికన్ కంట్రీస్ లో ఉండే నల్ల సముద్రం సమీప ప్రాంతాల్లో కీలక షెడ్యూల్ ప్లాన్ చేస్తున్నారు మేకర్స్. ఇదంతా చూస్తుంటే డ్రాగన్ అటాక్ చాలా భారీగా ఉండబోతుంది అని అర్థమవుతుంది. కారణం తెలియదు కానీ దేవర తర్వాత తారక్ ఎంచుకుంటున్న కథల్లో తెలియకుండానే సముద్రం వచ్చేస్తుంది. బాలీవుడ్ సినిమా వార్ 2లో కూడా అండర్ వాటర్ యాక్షన్ సీక్వెన్స్ లు చాలానే ఉన్నాయి. మొత్తానికి అలా తెలియకుండానే సముద్ర పుత్రుడు అయిపోతాడు జూనియర్ ఎన్టీఆర్. పోనీలే ఏదో ఒకటి.. సెంటిమెంట్ కలిసొచ్చి సినిమా హిట్ అయితే చాలు అనుకుంటున్నారు అభిమానులు.