లక్కీ డేట్ పైనే మెగాస్టార్ ఆశలు.. మే 9పై మెగా ఆశలు

తమ సినిమాల విషయంలో చాలా కాన్ఫిడెంట్ గా ఉండే మెగా ఫ్యామిలీ ఇప్పుడు మాత్రం సినిమా రిలీజ్ చేయాలంటే షేక్ అవుతుంది. రీసెంట్ గా మెగా ఫ్యామిలీ నుంచి వచ్చిన సినిమాలన్నీ ఫ్లాప్ అయ్యాయి.

తమ సినిమాల విషయంలో చాలా కాన్ఫిడెంట్ గా ఉండే మెగా ఫ్యామిలీ ఇప్పుడు మాత్రం సినిమా రిలీజ్ చేయాలంటే షేక్ అవుతుంది. రీసెంట్ గా మెగా ఫ్యామిలీ నుంచి వచ్చిన సినిమాలన్నీ ఫ్లాప్ అయ్యాయి. వరుణ్ తేజ్ హీరోగా వచ్చిన మట్కా సినిమా దారుణంగా ఫ్లాప్ అయింది. ఆ తర్వాత రామ్ చరణ్ హీరోగా వచ్చిన గేమ్ చేంజర్ సినిమా కూడా గట్టి షాక్ ఇచ్చింది. తమ సినిమాలతో అల్లు అర్జున్ ను ఇబ్బంది పెట్టాలని మెగా ఫాన్స్ కూడా ప్లాన్ చేసుకుంటే.. సినిమాలు మాత్రం మెగా ఫాన్స్ కు నిద్ర లేకుండా చేసాయి.

ఇక ఇప్పుడు మెగాస్టార్ చిరంజీవి హీరోగా వస్తున్న విశ్వంభరా అనే సినిమాపై మెగా ఫ్యాన్స్ చాలా ఆశలు పెట్టుకున్నారు. ఆ సినిమా ఎలాగైనా హిట్ అవ్వాలని పూజలు కూడా చేస్తున్నారు. చిరంజీవి కూడా సినిమా విషయంలో చాలా ఒత్తిడిలో కనపడుతున్నారు. అటు పవన్ కళ్యాణ్ సినిమా కూడా ఇప్పట్లో రిలీజ్ అయ్యే సిగ్నల్స్ ఏమీ కనపడట్లేదు. ఐదేళ్ల క్రితం సినిమా మొదలుపెట్టిన పవన్ కళ్యాణ్.. హరిహర వీరమల్లో షూటింగ్ లో పాల్గొంటున్న సరే రిలీజ్ డేట్ మాత్రం క్లారిటీ రావటం లేదు.

రిలీజ్ డేట్ అనౌన్స్ చేసిన సరే ఆ సినిమా ఎప్పుడు రిలీజ్ అవుతుందో ఫ్యాన్స్ కి కూడా నమ్మకం లేదు. అయితే ఈ టైంలో చిరంజీవి తన సినిమాపై చాలా జాగ్రత్తగా ఉంటున్నారు. విశ్వంభరా సినిమా టీజర్ రిలీజ్ అయిన తర్వాత నెగిటివ్ పబ్లిసిటీ బాగా జరిగింది. ఆ టీజర్ కూడా అంత గొప్పగా లేకపోవడంతో… చిరంజీవి ఈ సినిమా విషయంలో కాస్త లేట్ అయిన పర్వాలేదు.. జాగ్రత్తగా రిలీజ్ చేయాలని ప్లాన్ చేసుకుంటున్నారు. వాస్తవానికి సినిమాను డిసెంబర్ లో రిలీజ్ చేయాల్సి ఉండగా కొన్ని కారణాలతో వాయిదా పడింది.

దీనితో సమ్మర్ లో రిలీజ్ చేయాలని చిరంజీవి టార్గెట్ పెట్టుకున్నారు. దీనికి తగ్గట్టే డైరెక్టర్ వశిష్ట కూడా కష్టపడుతున్నాడు. ఇక ఈ సినిమా విషయంలో సెంటిమెంట్ నమ్ముకోవాలని చిరంజీవి భావిస్తున్నట్లు టాకోస్తోంది. మే నెల చిరంజీవి కెరీర్ లో అత్యంత పవర్ఫుల్ నెల గా చెబుతూ ఉంటారు ఫ్యాన్స్. ఆయన హీరోగా వచ్చిన గ్యాంగ్ లీడర్, జగదేకవీరుడు అతిలోకసుందరి సినిమాలు మే నెలలో రిలీజ్ అయ్యి సూపర్ హిట్ అయ్యాయి. అందుకే ఈ సినిమాను కూడా మే నెలలో రిలీజ్ చేయాలని ప్లాన్ చేస్తున్నారు.

మే 9 వ తారీకు చిరంజీవికి బాగా కలిసి వచ్చింది. ఆ రెండు సినిమాలు అప్పుడే రిలీజ్ అయి చిరంజీవి కెరీర్ లోనే బిగ్గెస్ట్ హిట్లుగా నిలిచాయి. అందుకే ఇప్పుడు విశ్వంభరా సినిమాను కూడా అదే డేట్ లో రిలీజ్ చేయాలని ప్లాన్ చేసుకుంటున్నారు. అందుకే సినిమాలో గ్రాఫిక్స్ విషయంలో ఆయన చాలా జాగ్రత్తగా పడుతున్నాడు. అటు డైరెక్టర్ కూడా కాస్త లేట్ అయినా సరే సినిమా సూపర్ హిట్ కావాలని పట్టుదలగా ఉన్నాడు. ఇక చిరంజీవి కూడా ఒక రకంగా ఒత్తిడిలోనే కనపడుతున్నారు. సీనియర్ హీరోలు వెంకటేష్, బాలకృష్ణ ఇద్దరు సంక్రాంతికి వచ్చి సూపర్ హిట్లు కొట్టారు. దీనితో చిరంజీవిపై ప్రెజర్ కనపడుతోంది.