నానా హైరానా సాంగ్ రివ్యూ: వజ్రం లాంటి పాట

మెగా ఫ్యాన్స్ ఓ రేంజ్ లో వెయిట్ చేస్తున్న మూవీ గేమ్ చేంజర్... గ్లోబ‌ల్ స్టార్ రామ్ చ‌ర‌ణ్ హీరోగా స్టార్ డైరెక్ట‌ర్ శంక‌ర్ ద‌ర్శ‌క‌త్వంలో వస్తున్న ఈ సినిమాపై భారీ అంచనాలు ఉన్నాయి.

మెగా ఫ్యాన్స్ ఓ రేంజ్ లో వెయిట్ చేస్తున్న మూవీ గేమ్ చేంజర్… గ్లోబ‌ల్ స్టార్ రామ్ చ‌ర‌ణ్ హీరోగా స్టార్ డైరెక్ట‌ర్ శంక‌ర్ ద‌ర్శ‌క‌త్వంలో వస్తున్న ఈ సినిమాపై భారీ అంచనాలు ఉన్నాయి. రామ్ చరణ్ సోలోగా ఆరేళ్ళ తర్వాత చేస్తున్న సినిమా కావడంతో మెగా ఫ్యాన్స్ సినిమా కోసం అల్లాడిపోతున్నారు. ఎప్పుడు వస్తుందా మూవీ అంటూ ఏ అప్డేట్ వచ్చినా సరే వైరల్ చేసేస్తున్నారు. చిన్న న్యూస్ వచ్చినా సరే అది సోషల్ మీడియాను షేక్ చేస్తోంది. గేమ్ చేంజర్ కు యాంటీ ఫ్యాన్స్ భయం ఎక్కువగా ఉండటంతో జాగ్రత్త పడుతున్నారు.

భారీ బ‌డ్జెట్ తో వస్తున్న ఈ సినిమాను దిల్ రాజు ఏ మాత్రం భయపడకుండా ప్లాన్ చేసారు. శంకర్ పై నమ్మకం, రామ్ చరణ్ గ్లోబల్ స్టార్ ఇమేజ్ అన్నీ ఈ సినిమాకు కలిసి వచ్చే అవకాశం ఉంది. శ్రీమ‌తి అనిత స‌మ‌ర్ప‌ణ‌లో శ్రీవెంకటేశ్వర క్రియేషన్స్, జీ స్టూడియోస్, దిల్ రాజు ప్రొడక్షన్ బ్యానర్స్‌పై దిల్ రాజు, శిరీష్ ఎక్కడా కాంప్రమైజ్ అవ్వకుండా సినిమాను తెరకెక్కించారు. సంక్రాంతి కానుకగా జనవరి 10న ఈ సినిమా వరల్డ్ వైడ్ గా ఈ సినిమా రిలీజ్ అవుతోంది. ఈ సినిమా నుంచి మూడో సాంగ్ ‘నానా హైరానా’ అనే లిరికల్ సాంగ్‌ని గురువారం రిలీజ్ చేసారు.

ఇప్పటికే వరుస అప్డేట్స్ ఇస్తూ మెగా ఫ్యాన్స్ ను ఖుషీ చేస్తున్నారు మేకర్స్. ఇక సాంగ్ విషయానికి వస్తే… సినిమా లిరిక్స్ కోసం రామ జోగయ్య శాస్త్రి ప్రాణం పెట్టారు అనే చెప్పాలి. ఒక్కో లైన్ క్లాస్ ఆడియన్స్ తో పాటు మాస్ ఆడియన్స్ కు పిచ్చి ఎక్కిస్తోంది. రీసెంట్ గా వచ్చిన లిరికల్ సాంగ్స్ లో ఈ సాంగ్ ది బెస్ట్ గా చెప్పాలి. సింగర్ శ్రేయా ఘోషల్ ఈ సాంగ్ తో తెలుగు ఆడియన్స్ ను ఫిదా చేసింది. సాంగ్ మేకింగ్ కూడా చాలా అందంగా ఉంది. విజువల్స్, లోకేషన్స్ అన్నీ సాంగ్ లో హైలెట్ గా నిలిచాయి.

తమన్ మ్యూజిక్ అందించిన ఈ సాంగ్ లో కొన్ని షాట్స్ కచ్చితంగా సోషల్ మీడియాను షేక్ చేస్తాయి. ఇక రీల్స్ లో ఈ సాంగ్ ఒక ఊపు ఊపడం ఖాయం. విజువల్స్ ఏ రేంజ్ లో ఉన్నాయో మ్యూజిక్ అంతకు మించి ఉంటే… లిరిక్స్ తో సాంగ్ డామినేషన్ పీక్స్ కు వెళ్ళింది. అలాగే రామ్ చరణ్, కైరా అద్వాని లుక్స్ అన్నీ కూడా చాలా బాగున్నాయి. రామ్ చరణ్ జుట్టు పెంచి… చాలా హ్యాండ్సంగా కనిపించాడు. చరణ్ ను ఫ్యాన్స్ ఎలా చూడాలి అనుకుంటున్నారో ఈ సాంగ్ లో అలా చూపించాడు శంకర్.