దేవర వెంట పడుతున్న అరవ డైరెక్టర్లు, హైదరాబాద్ లో ల్యాండ్ అయ్యాడు

టాలీవుడ్ స్టార్ హీరోలు ఇప్పుడు పాన్ ఇండియా లెవెల్ లో పాగా వేస్తున్నారు. తమిళంలో కూడా మన తెలుగు సినిమాలు దుమ్ము రేపుతున్నాయి. ఒకప్పుడు తెలుగుని తక్కువ చేసి చూసిన అరవ డైరెక్టర్లు అక్కడి స్టార్ హీరోలు తెలుగు మార్కెట్ దమ్ముపై క్లారిటీ రావడంతో ఇప్పుడు సైలెంట్ అవుతున్నారు.

టాలీవుడ్ స్టార్ హీరోలు ఇప్పుడు పాన్ ఇండియా లెవెల్ లో పాగా వేస్తున్నారు. తమిళంలో కూడా మన తెలుగు సినిమాలు దుమ్ము రేపుతున్నాయి. ఒకప్పుడు తెలుగుని తక్కువ చేసి చూసిన అరవ డైరెక్టర్లు అక్కడి స్టార్ హీరోలు తెలుగు మార్కెట్ దమ్ముపై క్లారిటీ రావడంతో ఇప్పుడు సైలెంట్ అవుతున్నారు. సినిమాలు చేయడానికి రెడీ అవుతున్నారు. ముఖ్యంగా ఎన్టీఆర్ తో అక్కడి స్టార్ డైరెక్టర్ లు సినిమాలు చేయడానికి వెంట పడుతున్నారు. ఇటీవల వెట్రిమారన్ ఎన్టీఆర్ కోసం ఓ కథ రెడీ చేసుకున్నాడు.

దేవర ప్రమోషన్స్ టైం లో ఈ విషయం క్లారిటీ వచ్చింది. ఆ సినిమాను డైరెక్ట్ గా తమిళంలో చేసి తెలుగులో డబ్ చేయడానికి రెడీ అయ్యారు. ఎన్టీఆర్ తమిళం కూడా ఫ్లూయేంట్ గా మాట్లాడటంతో అక్కడి స్టార్ డైరెక్టర్ లు… తెలుగులో గ్రాండ్ గా ఎంట్రీ ఇవ్వాలంటే ఎన్టీఆర్ కరెక్ట్ అని భావిస్తున్నారు. అందుకే ఇప్పుడు ఎన్టీఆర్ కోసం ఓ కథ రెడీ చేసుకుని ఓ స్టార్ డైరెక్టర్ రెడీ అయ్యాడు. వాస్తవానికి ఎన్టీఆర్ ఇప్పుడు వార్ 2, ప్రశాంత్ నీల్ సినిమాతో బిజీగా ఉన్నాడు. అయితే ప్రశాంత్ నీల్… సలార్ 2 సినిమాతో బిజీ అయ్యాడనే వార్తలు వస్తున్నాయి.

ఈ టైం లో ఎన్టీఆర్ కు ముంబైలో ఓ కథ చెప్పేసాడు జైలర్ డైరెక్టర్ నెల్సన్ దిలీప్ కుమార్. ప్రస్తుతం ‘జైలర్‌-2’తో బిజీగా ఉన్న దిలీప్ కుమార్… ఇటీవల ఎన్టీఆర్ ను ముంబైలో కలిసి కథ చెప్పాడు. ఈ సిట్టింగ్ ఆల్మోస్ట్ వర్కౌట్ అయిందని టాక్. సితారా బ్యానర్ లో ఈ సినిమా వచ్చే ఛాన్స్ ఉందని టాక్. సినిమా విషయంలో ఎన్టీఆర్ కూడా ఆల్మోస్ట్ క్లారిటీ ఇవ్వడంతో నెల్సన్ వెంటనే హైదరాబాద్ వచ్చి వర్క్ స్టార్ట్ చేసాడని టాక్. దీనితో ఇప్పుడు ఎన్టీఆర్ ఫ్యాన్స్ పండుగ చేసుకుంటున్నారు. కథ ఎలా ఉన్నా హీరోను ఏ రేంజ్ లో చూపించాలో దిలీప్ కు క్లారిటీ ఉంది.

అలాంటిది మాస్ ఇమేజ్ ఉన్న ఎన్టీఆర్ తో సినిమా అంటే… ఇంకా ఏ రేంజ్ లో చూపిస్తాడో చూడాలి. దిలీప్ కుమార్ ప్రస్తుతం జైలర్ 2 కి కాస్త గ్యాప్ ఇచ్చాడు. రజనీ కాంత్ ఆరోగ్య సమస్యలతో ఉండటం, కూలి సినిమాతో బిజీగా ఉండటంతో కాస్త గ్యాప్ దొరికింది. ఇప్పుడు తన వద్ద ఉన్న కథను ఎన్టీఆర్ కు చెప్పి ఒప్పించాడు దిలీప్ కుమార్. అన్నీ అనుకున్నట్టు జరిగితే 2026 లోనే ఈ సినిమా వచ్చే ఛాన్స్ ఉంది. ప్రస్తుతం ఎన్టీఆర్ వార్ 2 సినిమా కోసం కష్టపడుతున్నాడు. ప్రశాంత్ నీల్, దేవర 2 సినిమాలు కూడా లైన్ లో ఉన్నాయి.