Prabhas: ప్రభాస్ ఫ్యామిలీని షాక్‌లోకి నెట్టిన త్రివిక్రమ్!
ఇంతకాలం మాటల మాంత్రికుడి మేకింగ్‌లో ప్రభాస్ మూవీ రాలేదనుకున్నారు. ఇప్పుడు ఆ వెలితి తీరబోతోందని త్రివిక్రమ్ తేల్చేశాడు. బన్నీ, పవన్, మహేశ్ అండ్ కోతో మూవీలు తీసిన త్రివిక్రమ్ ఫస్ట్ టైం ప్రభాస్‌తో ఓ సినిమా ఫైనల్ చేసుకున్నాడు. సలార్, మారుతీ సినిమాలు పూర్తి కావొస్తున్నాయి.
Dialtelugu Desk
Posted on: May 27, 2023 | 06:06 PM ⚊ Last Updated on: May 27, 2023 | 6:06 PM
Prabhas: యంగ్ రెబల్ స్టార్ ప్రభాస్ ఫ్యామిలీనే కాదు.. అతడి ఫ్యాన్స్‌ని, ప్రేక్షకుల్ని మాటల మాంత్రికుడు షాక్‌లోకి నెడుతున్నాడు. తన కొత్త కథతో ప్రభాస్‌నే బుట్టలో పడేశాడు త్రివిక్రమ్. నిజంగా ఇది నిజం. ఇంతకాలం మాటల మాంత్రికుడి మేకింగ్‌లో ప్రభాస్ మూవీ రాలేదనుకున్నారు. ఇప్పుడు ఆ వెలితి తీరబోతోందని త్రివిక్రమ్ తేల్చేశాడు. బన్నీ, పవన్, మహేశ్ అండ్ కోతో మూవీలు తీసిన త్రివిక్రమ్ ఫస్ట్ టైం ప్రభాస్‌తో ఓ సినిమా ఫైనల్ చేసుకున్నాడు.
సలార్, మారుతీ సినిమాలు పూర్తి కావొస్తున్నాయి. ప్రాజెక్ట్ కే 80శాతం పూర్తైంది. దీంతో మరో రెండు నెలల తర్వాత ప్రభాస్ ఫ్రీ అయ్యేలా ఉన్నాడు. అందుకే మహేశ్ బాబు సినిమా తర్వాత బన్నీతో ప్రాజెక్ట్ అనుకున్న త్రివిక్రమ్, మనసు మార్చుకుని, ప్రభాస్‌తో సినిమాను ప్లాన్ చేశాడట. కథ కూడా ఓకే అయ్యిందని తెలుస్తోంది. ఇద్దరి మధ్యా రీసెంట్ మీటింగ్ సక్సెస్ అయ్యింది. ఇక ప్రభాస్ కూడా కొత్తదనం కోరుకుంటున్నాడు. మొన్న మారుతి మేకింగ్‌లో కామెడీ సినిమాకు కమిటయ్యాడు. ఆ ప్రాజెక్టు పూర్తి చేస్తున్నాడు.
ఇప్పుడు త్రివిక్రమ్ మేకింగ్‌లో ఫ్యామిలీ డ్రామా, అలానే హను రాఘవపూడీ మేకింగ్‌లో రొమాంటిక్ డ్రామా.. మొత్తంగా ఆదిపురుష్ మూవీ తర్వాతే ప్రభాస్ ఇలా సాఫ్ట్ జోనర్స్ మీద ఫోకస్ పెంచినట్టున్నాడు. ఈ ఊరమాస్ కటౌట్ ఇక నుంచి ప్రేమ కథలు, ఫ్యామిలీ డ్రామాలకు కేరాఫ్ అడ్రస్ అయ్యేలా ఉందంటున్నారు.
